LAJMI I FUNDIT:

Ishin ‘avulluar nga një tuk-tuk’: Bëhet e ditur se si u vranë dy ‘dy komplotuesit e bombave të ISIS-K’ në Afganistan, nga sulmi i dronit amerikan

Ishin ‘avulluar nga një tuk-tuk’: Bëhet e ditur se si u vranë dy ‘dy komplotuesit e bombave të ISIS-K’ në Afganistan, nga sulmi i dronit amerikan

Dy operativë të lartë të ISIS-K që supozohet se “komplotuan” masakrën e aeroportit të Kabulit u vranë në një sulm me dron amerikan ndërsa hipnin në një “makinë me tri rrota”, të njohur edhe si tuk-tuk.

Sipas medieve të huaja, përcjell Telegrafi, terroristët vdiqën menjëherë – dhe një bashkëpunëtor u plagos – në sulmin hakmarrës në qytetin e largët të Jalalabad në provincën Nangarhar pranë kufirit me Pakistanin, tha ushtria amerikane mbrëmë.

Burrat, të cilët u përshkruan si “planifikues”, kuptohet se ishin ulur në pjesën e prapme të makinës në lëvizje kur u qëlluan nga një goditje raketore nga një dron MQ-9 Reaper.


Shefat e mbrojtjes në Pentagon refuzuan të japin emrat e terroristëve të vdekur, por mendohet se ata po planifikonin më shumë sulme në aeroport, ku më shumë se 170 vdiqën në një shpërthim bombë vetëvrasës të enjten.

Sulmi në aeroport u orkestrua nga udhëheqja e Shtetit Islamik në Provincën Khorasan (ISIS-K), e cila është dega në Azinë Jugore e grupit terrorist të Shtetit Islamik që shpalli një kalifat në Siri në qershor të vitit 2014.

Sipas ekspertëve të terrorizmit, ISIS-K është shumë më brutal se IS-i në Siri ose në ndonjë prej filialeve të tij.

Ajo degë ka në shënjestër maternitetet, shkollat dhe grupet e pakicave të prekshme në Afganistan, duke vrarë mijëra njerëz që kur u themelua në vitin 2015.

Fotografitë e makinës së djegur janë shfaqur në mediat sociale me një krater pranë rreth 4 metra të thellë.

“Ishte një mision i vetëm për të arritur këto objektiva. Ata ishin planifikues dhe mbështetës të ISIS-K dhe kjo është arsye e mjaftueshme. Unë nuk do të flas me detajet e këtyre individëve dhe cilët mund të jenë rolet e tyre specifike”, ka thënë zëdhënësi i Pentagonit, John Kirby.

Banorët në Jalalabad thanë se dëgjuan të paktën tre goditje të forta mesnatën e së shtunës.

Sulmi me dron u urdhërua pasi presidenti Joe Biden tha se do të kishte një përgjigje të shpejtë ndaj sulmit në aeroport, i cili la 13 ushtarë amerikanë mes të vdekurve.

Ndërkohë këshilltarët e Presidentit për sigurinë kombëtare e paralajmëruan atë mbrëmë se mund të ketë sulme të mëtejshme në aeroportin e Kabulit, ndërsa SHBA -të mbyllin programin e tyre të evakuimit përpara afatit të së martës. /Telegrafi/

Në trend Botë

Më shumë
Shkencëtari i njohur turk paralajmëron: Mund të goditemi nga një tërmet i fuqishëm prej 7 ballësh të Rihterit

Shkencëtari i njohur turk paralajmëron: Mund të goditemi nga një tërmet i fuqishëm prej 7 ballësh të Rihterit

Turqia
Zelensky: Nuk do të pranoj kurrë asnjë vendim midis SHBA-së dhe Rusisë për Ukrainën

Zelensky: Nuk do të pranoj kurrë asnjë vendim midis SHBA-së dhe Rusisë për Ukrainën

Botë
Duhet bërë diçka të ngjashme si në Kosovë, thotë presidenti finlandez për Ukrainën

Duhet bërë diçka të ngjashme si në Kosovë, thotë presidenti finlandez për Ukrainën

Evropa
Agjenti ukrainas udhëtoi në Moskë për të vendosur eksploziv nën radarin anti-dronë

Agjenti ukrainas udhëtoi në Moskë për të vendosur eksploziv nën radarin anti-dronë

Evropa
Tanku rus sulmohet nga artileria ukrainase, nga frika se do të hidhet në erë shkelë ushtarët e vetë

Tanku rus sulmohet nga artileria ukrainase, nga frika se do të hidhet në erë shkelë ushtarët e vetë

Evropa
Izraeli merr një ngarkesë amerikane me bomba 900 kilogramëshe, të cilat Biden refuzonte t’ia jepte

Izraeli merr një ngarkesë amerikane me bomba 900 kilogramëshe, të cilat Biden refuzonte t’ia jepte

Azia
Kalo në kategori