IRI: Rritet jostabiliteti politik në Maqedoni

Politika jostabile në Maqedoni është në rritje, kurse besimi në institucionet demokratike është në rënie, është përfundimi i Institutit Ndërkombëtar Republikan (IRI), me bazë në Washington, ku sot në mëngjes i publikoi rezultatet e një studimi të kryer në mbarë vendin në prill të këtij viti, transmeton Telegrafi Maqedoni.

Sondazhi tregoi se 20 përqind, gjegjësisht më shumë të anketuar besojnë se Maqedonia është më pak jostabile sot sesa një vit më parë. Për 12 përqind janë të bindur se Maqedonia po lëviz në drejtim të gabuar, krahasuar me muajin janar të këtij viti.

Pesimizmi në lidhje me situatën politike duket të jetë shkaktuar nga sjellja e qeverisë në lidhje me skandalin e përgjimeve që u publikuan në vitin 2015, thonë nga IRI. 64 përqind e të anketuarve shprehën mospajtueshmëri të vendimit të presidentit Gjorge Ivanov për falje të zyrtarëve të përfshirë në këto kundërshtime, dhe 63 përqind mbështesin punën e Prokurorisë speciale publike që është duke i hetuar rastet e dalura nga përgjimet.

Presidenti IRI, Mark Green, rezultatet i shikon si “nevojë kritike të Maqedonisë që të fokusohen në reformat që përsëri do të ndërtojnë besimin e opinionit në institucionet demokratike të vendit.”

Hulumtimi ka përfshirë 1.104 persona, të intervistuar ballë për ballë. /Telegrafi/