Irani zotohet të ndëshkojë ‘mercenarët’ pas demonstratave vdekjeprurëse

Udhëheqja e Iranit ka fajësuar ‘bandat’ e lidhura me Shtetet e Bashkuara, Izraelin dhe Arabinë Saudite për nxitjen e trazirave.

Irani u zotua të dielën që të ndëshkojë ashpër “mercenarët” të arrestuar në lidhje me protestat në të gjithë territorin të shkaktuara nga një rritje e çmimit të karburantit, ndërsa shumë nga vendet filluan të kenë përsëri çasje në internet pas një ndërprerje javore, transmeton Telegrafi.

Një komandant i lartë i Gardës Revolucionare Elitare të Iranit i kërkoi gjyqësorit të vendit të ndëshkonte dënime të ashpra për ata të përfshirë në demonstratat vdekjeprurëse.

“Ne i kapëm të gjithë mercenarët, të cilët rrëfenin hapur se po bënin punë mercenare për Amerikën dhe, me dëshirën e Zotit, sistemi gjyqësor i vendit do t’u japë atyre ndëshkime maksimale”, u citua admirali Ali Fadavi, një zv. komandant i Gardës.

Duke përmendur zyrtarët e zbatimit të ligjit, agjensia e lajmeve Fars tha të dielën se 180 drejtues u arrestuan për shkak të dhunës në rrugë.

Udhëheqja e Iranit ka fajësuar “banditë” të lidhur me mërgimtarët dhe armiqtë e huaj, Shtetet e Bashkuara, Izraelin dhe Arabinë Saudite, për nxitjen e trazirave, të cilat çuan në dhunën më të ashpër të dekadës. /Telegrafi/