IPKO revolucionon argëtimin me lansimin e aplikacionit OTT – IPKO TV

IPKO Telecommunications LLC, një nga ofruesit kryesorë të shërbimeve të telekomunikacionit në Kosovë, ka kënaqësinë të prezantojë lansimin e aplikacionit të avancuar, IPKO TV.

Kjo platformë revolucionare është e destinuar të transformojë mënyrën se si audienca kosovare përjeton argëtimin, duke ofruar një përvojë shikimi të paprecedentë dhe gjithëpërfshirëse.

IPKO TV është krijuar për t’iu përshtatur nevojave dhe preferencave në zhvillim të konsumatorëve modernë, duke ofruar qasje në një gamë të gjerë përmbajtjesh premium, kudo dhe kurdo.

Me një ndërfaqe inovative dhe veçori të fuqishme, aplikacioni fuqizon përdoruesit të zbulojnë, transmetojnë dhe shijojnë filmat, shfaqjet televizive dhe kanalet e drejtpërdrejta të preferuara me një lehtësi të paprecedentë.

“IPKO TV nuk është vetëm një aplikacion, por një hap i madh drejt së ardhmes së argëtimit në Kosovë. Me këtë platformë, ne synojmë të sjellim përmbajtjen më të mirë, të ofruar me një cilësi të jashtëzakonshme, në duart e çdo përdoruesi. Jemi të përkushtuar të ndryshojmë mënyrën se si konsumatorët shikojnë televizion, duke u ofruar atyre më shumë zgjedhje, fleksibilitet dhe përvojë të personalizuar se kurrë më parë,” u shpreh Andras Pali, CEO i IPKO Telekomunikacion.

Veçoritë kryesore të aplikacionit IPKO TV përfshijnë:

– Transmetimi i drejtpërdrejtë i përmbajtjes televizive: Shijoni në kohë reale transmetimet e kanaleve lokale dhe ndërkombëtare, përfshirë ligat sportive më të popullarizuara, lajmet më të fundit, programet argëtuese dhe dokumentarët, duke siguruar që të mos humbisni asnjë moment të rëndësishëm. Pavarësisht nëse jeni në shtëpi apo në lëvizje, IPKO TV ju mundëson qasje të pandërprerë në përmbajtjen tuaj të preferuar, në cilësinë më të lartë dhe me përvojën më të mirë të shikimit.

– Bibliotekë e pasur me përmbajtje VOD: Përfitoni nga një bibliotekë e gjerë me filma të famshëm, seriale televizive të njohura, dokumentarë frymëzues dhe përmbajtje ekskluzive, të cilat janë të përshtatshme për çdo shije dhe preferencë familjare.

– Rekomandime të personalizuara: Sugjerime të personalizuara të përmbajtjes bazuar në historikun tuaj të shikimit dhe preferencat individuale, për një përvojë më të personalizuar dhe të këndshme.

– Përdorim në disa pajisje njëkohësisht: Argëtim i pandërprerë për tërë familjen përmes televizorit, laptopëve, smartfonëve dhe tabletëve.

– Catchup TV: Qasje në përmbajtjen televizive të transmetuar më parë, pa pasur nevojë ta regjistroni atë.

IPKO TV ofrohet në dy pako:

– IPKO TV: E përshtatshme për individë dhe familje që kërkojnë qasje të pavarur në një gamë të gjerë përmbajtjesh televizive, duke përfshirë filma, seriale, kanale televizive të drejtpërdrejta, VOD dhe shumë më tepër.

– IPKO TV + Internet: Kjo paketë kombinon shërbimet televizive me internetin më të qëndrueshëm në rajon. E krijuar për shikuesit që kërkojnë përvojën më të avancuar të argëtimit, me përmbajtje ekskluzive, kanale premium dhe veçori të avancuara. Konsumatorët që zgjedhin këtë paketë përfitojnë nga lehtësia dhe komoditeti i të pasurit të dy shërbimet, televizionin dhe internetin, nga një ofrues i vetëm.

Aplikacioni IPKO TV tashmë është i disponueshëm për shkarkim në të dy platformat, iOS dhe Android.

IPKO është lider në fushën e telekomunikacionit në Kosovë, duke ofruar shërbime të cilësisë së lartë për telefoninë mobile, internetin dhe televizionin digjital.

Ne jemi të përkushtuar të sjellim përvojën më të mirë për klientët tanë, duke sjellë inovacion dhe përsosshmëri në shërbimet tona në vazhdimësi.