IPKO – Digitalb me të drejta ekskluzive për të transmetuar Bundesligën në Kosovë

IPKO – Digitalb do të ketë të drejtat ekskluzive të transmetimit të Bundesliga dhe Bundesliga 2 në Kosovë, pasi Digitalb ka nënshkruar një marrëveshje katër-vjeçare me Bundesliga International. Ajo ka të drejtat ekskluzive për mbulimin drejtpërdrejt të të gjitha ndeshjeve nga Bundesliga dhe Bundesliga 2, duke transmetuar çdo ndeshje nga një nga ligat më interesante të Evropës. Marrëveshja përfshin gjithashtu transmetim të drejtpërdrejtë të Supercup Gjerman, i cili do të zhvillohet këtë vit midis Borussia Dortmund dhe FC Bayern München në 17 Gusht, dhe play-offet më të rëndësishme të rënies në fund të çdo sezoni.

Për më tepër, IPKO – Digit-Alb do të transmetojë gjithashtu një numër programesh të kërkuara të Bundesliga, të tilla si Bundesliga Highlights Show dhe Bundesliga Weekly, për t’i mbajtur tifozët e futbollit të azhurnuar me të gjitha të rejat më të fundit nga liga e lartë gjermane.

CEO i IPKO, Robert Erzin, tha: “Qëllimi ynë është që vazhdimisht të sjellim tek shikuesit tanë përmbajtjen më të mirë televizive dhe të argëtojmë çdo kategori me programet dhe shfaqjet tona televizive. Kanalet sportive janë ndër kanalet më të shikuara dhe ne synojmë t’i pasurojmë ato edhe me më shumë përmbajtje. ”

Drejtori i Përgjithshëm i Digit-Alb, Altin Petre, tha “Ne jemi të lumtur të vazhdojmë përvojën fantastike të transmetimit të Bundesliga dhe duke u licensuar direkt nga Bundesliga ne jemi të bindur se do të përmirësojmë edhe më shumë cilësinë e transmetimit”.

Për informata në lidhje me pakot e IPKO dhe kanalet sportive, ju lutemi vizitoni www.ipko.com.

IPKO është kompania më e madhe e telekomunikacionit në Kosovë. Me shtatë kanale HD të dedikuara vetëm për programin e tij sportiv, IPKO është plotësisht e përkushtuar për tu ofruar klientëve të saj përmbajtje superiore TV, shërbimin më të mirë në fushën e komunikimit si dhe zgjedhje dhe oferta fantastike.