Informatat e ‘rrjedhura’ mbi specifikat dhe dizajnin e Motorola Moto G54 zbulojnë ndryshime të vogla

Pamjet e telefonit të mençur të Motorola, Moto G54 rrjedhën përmes një videoje, nëpërmjet së cilës u zbuluan edhe katër ngjyrat e saj – Ballad Blue, Ambrosia, Coronet Blue dhe Outer Space.

Burimi ndau gjithashtu disa specifika, duke përfshirë kapacitetin e baterisë dhe detajet e ekranit. Pajisja e re e serisë G50 do të jetë një përditësim i lehtë nga Moto G53.

Sipas këtij burimi, këto janë të gjitha opsionet e ngjyrave. Emrat e tyre janë aktualisht titujt e ngjyrave Pantone, që do thotë se Motorola ka vazhduar bashkëpunimin me kompaninë në fjalë, për t’i përdorur përsëri ngjyrat Pantone në telefonat e saj, raporton GSM Arena, përcjell Telegrafi.

Raportohet se Moto G54 do ta ketë një ekran me madhësi prej 6.5 inç, me rezolucion Full HD+ dhe shpejtësi rifreskimi prej 120Hz.

Moto G54 do të ketë disa specifika të njëjta me G53 si baterinë me kapacitet prej 5,000mAh, kamerën kryesore me 50MP dhe kamerën për “selfie” me rezolucion prej 16MP, së bashku me dizajnin e papërshkueshëm nga uji, sistemin operativ Android 13 dhe shumicën e veçorive të softuerit.

RAM memoria e telefonit të ri do shkojë deri në 8GB, përderisa hapësira e përgjithshme do jetë 256GB, e cila mund të zgjerohet edhe për 1TB më tepër nëpërmjet një hapësire për microSD. Detaje të tjera rreth Moto G54 pritet të dalin gjatë javëve në vijim. /Telegrafi/