Infektohen me coronavirus disa nxënës në shkollat e Strumicës

Numri i përgjithshëm i të diagnostikuarve me Covid-19 në vend që nga fillimi i epidemisë është 183.059, numri i pacientëve të shëruar është 163.417, ndërsa numri i vdekjeve është 6.236.

Dy grupe të infektuar me Covid-19 janë regjistruar në një shkollë fillore dhe të mesme dhe në një çerdhe të fëmijëve në Strumicë. Ka nxënës dhe fëmijë pozitivë, por edhe mësues dhe edukatorë. Kjo u njoftua nga Qendra për Shëndetin Publik në Strumicë, ku thonë se transmetimi i virusit ishte në vetë shkollat dhe për këtë arsye janë regjistruar si grupe të reja.

“Janë marrë të gjitha masat e nevojshme dhe shpresoj që asnjë nxënës tjetër të mos shfaqet në të ardhmen. Sidoqoftë, nëse ka një indikacion epidemiologjik, ne me siguri do të testojmë. Në përputhje me masat dhe protokollet e Ministrisë së Shëndetësisë dhe Komisionit për Sëmundjet Infektive, ne vepruam si duhet. Disa nga nxënësit tashmë janë vendosur në izolim në shtëpi, ata janë nën mbikëqyrje dhe gjendja e tyre shëndetësore po monitorohet, thotë epidemiologu Meri Nikolova Giçeva për AIM.

Rastet pozitive u regjistruan në dy çerdhe, për shkak të të cilave njëzet fëmijë dhe disa punonjës u vendosën në izolim./Telegrafi/