Imazhi 4K dëshmon se goli i diskutueshëm i Japonisë kundër Spanjës ishte i drejtë

Një imazh 4K i publikuar duket se vërteton se goli i diskutueshëm i fitores i Japonisë kundër Spanjës mbrëmjen e së enjtes ishte i drejtë.

Alvaro Morata e çoi Spanjën në avantazh 1-0 në minutën e 11-të, por më pas Ritsu Doan barazoi gjërat menjëherë pas pjesës së parë.

Disa minuta më vonë, Japonia, e cila kishte vetëm 17 për qind të zotërimit, ishin në vendin e ëndrrave kur Ao Tanaka përfundoi një aksion për golin e fitores.

Goli fillimisht nuk u pranua pasi u duk sikur topi kishte dalë jashtë loje kur Kaoru Mitoma i Brighton asistoi për Tanaka.

Megjithatë, një kontroll i gjatë i VAR-it rezultoi me pranimin e golit nga gjyqtari Victor Gomes.

Kjo do të thoshte se Gjermania, katër herë fituese e Kupës së Botës, pavarësisht fitores 4-2 ndaj Kosta Rikës, u eliminua në fazën e grupeve për turneun e dytë radhazi.

Imazhet fillestare të shfaqura nga transmetuesit e bënë të duket sikur topi ishte mbi vijën anësore.

Sidoqoftë, këndet mund të mashtrojnë dhe një foto e teknologjisë 4K e postuar tregoi se në fakt ishte në diferencën më të vogël.

Germany were eliminated by ???? much. pic.twitter.com/NC8Xp6pLLg

— B/R Football (@brfootball) December 1, 2022

Siç potencohet nga Dale Johnson për ESPN, ligji është që topi është në lojë “nëse lakimi i topit është mbi vijën”, pavarësisht se sa e vogël është një pjesë e tij.

Pavarësisht se topi Adidas për turneun ka sensorë lëvizjeje që mund të përdoren për të gjurmuar të dhënat dhe pozicione jashtë loje gjysmë të automatizuara, ndër të tjera, ai nuk ka aftësinë për të kontrolluar nëse topi ka dalë jashtë.

Në vend të kësaj, ishte kamera e vijës së portës që siguroi provat e nevojshme për anulimin e vendimit.

Japan’s goal was allowed to stand despite this happening in the build up 👀#FIFAWorldCup #TSWorldCup pic.twitter.com/FQFL3SXWMK

— talkSPORT (@talkSPORT) December 1, 2022

Topi duket se është mbi vijën – diçka që e shohim shpesh kur lojtarët kryejnë goditje nga këndi dhe duket sikur nuk është në kuadrat.

Kjo ishte arsyeja për të shënuar golin dhe për të parë Japoninë të kalonte në raundin e 1/8-tës si fituese e grupit me gjashtë pikë. /Telegrafi/