Kryetari i Komunës së Vushtrrisë, Ferit Idrizi, ka pritur në takim disa qytetarë, Këshillin e fshatit Stanoc i Poshtëm dhe përfaqësuesit e bizneseve që shfrytëzojnë pronat publike në Vushtrri.
Idrizi ka thënë se Këshilli i fshatit Stanoc i Poshtëm ka paraqitur kërkesën për ndalimin e dhënies në shfrytëzim të parcelave publike në këtë lokalitet. Kjo, sipas tyre, sepse kanë në plan realizimin e projekteve me interes publik që janë të mbështetura nga donatorë të jashtëm, shkruan Telegrafi.
Ndërsa përfaqësuesit e bizneseve kanë kërkuar të mos procedohet me dhënien në shfrytëzim të kësaj parcele derisa të gjendet një zgjidhje për aktivitetet e tyre.
“Ndërkohë, përfaqësuesit e bizneseve që aktualisht operojnë pranë Urës së Gurit kërkuan të mos procedohet me dhënien në shfrytëzim të kësaj parcele, deri sa të gjendet një zgjidhje e qëndrueshme për aktivitetet e tyre”, ka thënë ai.
Pamje nga takimi
Idrizi u ka premtuar palëve se do t’i mbështesë kërkesat e tyre, derisa në seancën e radhës do t'i propozojë Kuvendit që të ndalet procedimi i mëtejmë i dhënies në shfrytëzim afatgjatë i të gjitha pronave të propozuar nga Komisioni i Kuvendit Komunal. /Telegrafi/
