Huddersfield mposht Unitedin, ia shkakton humbjen e parë këtë sezon (Video)

Huddersfield ka befasuar të gjithë duke mposhtur Manchester Unitedin me rezultat 2-1 në ndeshjen e vlefshme për javën e nëntë të Ligës Premier.

Djajtë e Kuq nuk kanë mundur të vazhdojnë serinë pozitive pa humbje këtë sezon, pasi janë mposhtur nga skuadra e promovuar këtë sezon në Ligën Premier, Huddersfield.

Goli i parë i ndeshjes erdhi në minutën e 28-të të ndeshjes, ku pas një kundërsulmi të shpejt të vendasve shënoi Aaron Mooy për epërsinë 1-0.

Vendasit u treguan të fortë dhe kërkues duke gjetur shpejt edhe golin e dytë në minutën e 33-të, ku sulmuesi Laurent Depoitre kaloi portierin David De Gea dhe dërgoi skuadrën e tij në pushim me epërsi 2-0.

Në pjesën e dytë, skuadra e Jose Mourinhos ishte për një nuancë më e mirë dhe më sulmuese duke tentuar të gjejnë shpejt golin.

Megjithatë, goli i tyre i parë erdhi në minutën e 78-të me anë të zëvendësuesit Marcus Rashford, i cili shënoi me kokë për 2-1 pas asistimit të Romelu Lukakut.

Por, ky gol ishte edhe i fundit pasi në minutat në vazhdim Unitedi nuk arriti më të shënoj duke përjetuar një humbje të rëndë nga Huddersfieldi me rezultat 2-1, humbje kjo e parë në këtë sezon në Ligën Premier.

Pas kësaj humbje, Djajtë e Kuq vazhdojnë të mbeten në vend të dytë me 20 pikë apo pesë më pak se lideri, Man City, ndërsa vendasit renditen në pozitën e 10-të me 12 pikë.

Në ndeshjen e ardhshme, Unitedi e pret Tottenhamin në Old Trafford, ndërsa Huddersfieldi udhëton te Liverpooli. /Telegrafi/

#Mooy's goal against #MUFC!#HUDMUN #PL

Bet in-play 👉 https://t.co/EUvy9LxHUo pic.twitter.com/Qcw2w8D3c5

— 1хBet (@1xBet_Eng) October 21, 2017

https://www.youtube.com/watch?v=9uyAUY2iQWI

https://twitter.com/misterpremier/status/921762908069122048