Horoskopi javor për periudhën nga 08 – 15 nëntor

Çfarë ju pret gjatë shtatë ditëve të ardhshme në punë dhe në dashuri, a do të kaloni mirë me familjarët, si do t’ju shërbejë shëndeti dhe a do të bëni investime

Lexoni horoskopin e përgatitur dhe shfrytëzojeni javën e cila është para jush në mënyrën më të mirë të mundshme, transmeton Telegrafi.

---

DASHI (21.03. – 20.04.) Puna: Jini të hapur ndaj përshtatjeve të planeve tuaja dhe improvizimit. Bëni një listë prioritetesh dhe organizohuni në përputhje me të, në mënyrë që të mos humbni kohë dhe energji. Mund të merrni një ofertë për një punë ose partneritet shtesë, që duhet ta keni patjetër parasysh – mos nxitoni, por prisni derisa të informoheni më mirë.

Shëndeti: Ju gëzoni shëndet të mirë.

Dashuria: Jini kujdesshëm në marrëdhëniet tuaja, në mënyrë që qëndrimi juaj kokëfortë ndaj parimeve të mos çojë në një humbje, për të cilën do të pendoheni më vonë. Mund të mos jeni gati t’i pranoni disa të vërteta, por të paktën kini parasysh që nuk jeni gati dhe mos merrni asnjë vendim. Nëse jeni vetëm, mund të takoni dikë që do t'ju tërheqë vëmendjen, në një ngjarje publike apo tubim shoqëror.

DEMI (21.04. – 21.05.) Puna: Nuk është koha për të nisur ndryshime dhe projekte të reja, përcaktoni pozicionin tuaj dhe përkushtojuni pak më shumë ruajtjes së komunikimit afarist, pra forcimit të marrëdhënieve me bashkëpunëtorët, kolegët dhe partnerët e biznesit. Ju keni nevojë për mbështetjen e tyre në periudhën e ardhshme, kur do të jeni në gjendje të plasoni idetë tuaja dhe të filloni projektet tuaja.

Shëndeti: Shkoni diku ku nuk keni qenë deri tani për të balancuar energjinë tuaj mendore dhe fizike.

Dashuria: Ndryshime pozitive në jetën dashurore - me partnerin është e mundur të kaloni në një nivel më të lartë marrëdhënieje dhe angazhimi, por ngjarjet në nivelin emocional mund të lidhen me distancën. Nëse jeni vetëm, mund të shfaqet dikush që është larg - mund të jetë një njohje e re (nëpërmjet rrjeteve sociale), ose "nxehje" e një dashurie të vjetër.

BINJAKËT (22.05. – 21.06.) Puna: Nëse arrini të qëndroni të qetë dhe të mos përfshiheni në diskutime të panevojshme, do të merrni mbështetje në mjedisin e biznesit. Mund t'ju duhet t’i lini për më vonë ose t’i rregulloni planet tuaja. Për ju, këto ditë, fillon një cikël në të cilin do të shfaqen rezultatet e përpjekjeve tuaja të mëparshme. Jini korrekt dhe të kujdesshëm.

Shëndeti: Hiqni dorë nga disa shprehi të këqija dhe kujdesuni për dietën tuaj.

Dashuria: Ngadalësimi në rrugëtimin tuaj të dashurisë, rrëmuja mund t'ju pengojë, por kjo është një periudhë reflektimi dhe transformimi personal, në të cilën nuk do të jetë e lehtë për ju të përshtateni me nevojat dhe kërkesat e partnerit tuaj. Nëse jeni vetëm, kjo mund të jetë një periudhë përgatitjeje për të marrë iniciativën - ju keni të drejtë të kërkoni atë që dëshironi dhe të dini se çfarë jeni duke bërë, nëse nuk arrini atje ku synoni.

GAFORRJA (22.06. – 22.07.) Puna: Zhvilloni biznesin me partnerë afaristë të mirënjohur dhe korrektë, bëni atë që dini më së miri – veproni hap pas hapi dhe jini të durueshëm. Nëse jeni duke bërë diçka kreative, suksesi është përpara jush dhe vetëm një hap mund t'ju sjellë shumë afër arritjes së qëllimeve dhe planeve tuaja.

Shëndeti: Stabiliteti, harmonia mendore dhe fizike, vijnë nëpërmjet kujdesit dhe qëndrueshmërisë.

Dashuria: Energjia juaj emocionale është në pikën më të ulët. Në lidhjen dashurore, mund të ndiheni të larguar nga partneri juaj, madje edhe të vetmuar, por është një gjendje kalimtare, nëpërmjet së cilës do të fitoni njohuri më të thella për atë që është më e rëndësishme për ju dhe partnerin tuaj. Nëse jeni vetëm, mund të lidheni me dikë që ka nevojë për ndihmë, por mund të jetë një kurth nga i cili do ta keni të vështirë të dilni.

LUANI (23.07. – 22.08.) Puna: Vetëbesimi është çelësi i suksesit në këtë periudhë. Mos hezitoni në kryerjen e detyrave, për të mos thyer afatet dhe për të shkaktuar pakënaqësi të bashkëpunëtorëve dhe kolegëve. Vlerësimi i duhur dhe përfundimet e sakta do të sjellin zgjidhjet që kërkoni. Jini të përgatitur për t'u përballur me vështirësitë dhe për të treguar qetësi dhe forcë mendore.

Shëndeti: Kthehuni në jetën tuaj të brendshme, dëgjoni trupin tuaj dhe vëzhgoni veten.

Dashuria: Shqetësimi i brendshëm ju shtyn drejt ndjesive të reja, ndërsa ndjeshmëria juaj dhe ndjekja e intimitetit dhe përvojave të dashurisë mund t'ju çojë në aventura dhe eksperimente. Nëse jeni vetëm, nuk ka pengesa për t'u kënaqur me të, por nëse keni një partner, mund të tundoheni të eksploroni impulset tuaja jashtë një marrëdhënieje, gjë që mund ta komplikojë jetën tuaj (dhe të prishë marrëdhëniet) në planin afatgjatë.

VIRGJËRESHA (23.08. – 22.09 Puna: Jeni të frymëzuar për të bërë plane për të ardhmen dhe mund të tundoheni të bëni disa ndryshime drastike, por arsyeja e shëndoshë dikton që të mos i nënshtroheni impulsivitetit. Zgjerimi i biznesit apo ndryshimet e vendeve të punës gjatë kësaj periudhe nuk kanë mbështetje adekuate në mjedisin e biznesit.

Shëndeti: Mbështetuni në intuitën tuaj dhe nëse mendoni se diçka nuk ju pëlqen, aplikoni shprehi të reja në rutinën tuaj të përditshme.

Dashuria: Ju keni standarde të larta dhe pritshmëri të larta dhe rrugëtimi juaj i biznesit është i ndërthurur me jetën tuaj personale – nëse jeni vetëm, është e mundur të lidheni emocionalisht me personin e përfshirë në projektet tuaja. Në lidhjen dashurore një periudhë afërsie, plane të përbashkëta dhe biseda të gjata, si dhe takime familjare.

PESHORJA (23.09. – 22.10.) Puna: Është koha për të bërë ndryshime, të cilat do t'ju sjellin përparësi dhe qetësi në periudhën e ardhshme. Kjo është një periudhë e tensionuar, por ju lejon të merrni parasysh atë që keni planifikuar për një kohë të gjatë. Vendosni në letër të ardhurat dhe shpenzimet tuaja, për të pasur një vlerësim real të buxhetit dhe për ta shpërndarë atë siç duhet.

Shëndeti: Ndiheni mirë dhe keni energji të mjaftueshme për të përballuar gjithçka që ju pret gjatë kësaj periudhe.

Dashuria: Në lidhjen dashurore një periudhë harmonie dhe aspiratash të përbashkëta - gjithçka që bëni së bashku do të sjellë rezultate të mira, madje do t'i kapërcejë pritjet tuaja. Nëse jeni vetëm, është një kohë e mirë për të shprehur ndjenjat tuaja, pra dashurinë ndaj personit që ju pëlqen, edhe nëse ai person nuk ka reaguar deri më tani ndaj sinjaleve tuaja.

AKREPI (23.10. – 22.11.) Puna: Ndryshimet në mjedisin e biznesit janë të dobishme, por ato aktualisht mund t'ju pengojnë në kryerjen e detyrave. Qëndroni larg njerëzve me të cilët është e vështirë të punoni dhe me të cilët tashmë keni përvoja të pakëndshme dhe kërkoni mbështetjen e atyre me të cilët punoni ngushtë dhe te të cilët keni besim.

Shëndeti: Jepini një pushim vetes, transmeton Telegrafi.

Dashuria: Keqkuptimet dhe zhgënjimet në dashuri nuk janë diçka që duhet t'u atribuohen të tjerëve - mos e fajësoni partnerin tuaj nëse jeni në një lidhje dhe mos mendoni se thjesht duhet të takoni personin e duhur, nëse jeni vetëm. Kërkoni shkaqet te vetja juaj, te qëndrimet tuaja, perceptimet e dashurisë, te lidhja dhe përkushtimi, dhe filloni një bisedë me ato njohuri - ju nuk mund të dini se çfarë po mendon dikush, as të prisni që personi tjetër të dijë se çfarë mendoni dhe ndieni ju. Qartësia vjen me zgjerimin e perspektivës, jini mendjendritur dhe zemërhapur.

SHIGJETARI (23.11. – 21.12.) Puna: Tregoni maturi dhe përgjegjësi. Mendoni me kujdes për çdo hap dhe mos nxitoni shumë, përpara se të siguroheni që ajo që keni bërë siguron hapin tjetër. Tregoni maturi në shprehjen e pikëpamjeve tuaja dhe në ndarjen e informacioneve, domethënë flisni vetëm aq sa duhet, nëse nuk mund të heshtni.

Shëndeti: Ndryshimet e motit mund të ndikojnë në humorin tuaj dhe nivelet e energjisë.

Dashuria: Një periudhë harmonike në lidhje dashurore - ndoshta jo në paqe dhe harmoni, por sigurisht në bashkim dhe mbështetje të fortë nëpër një krize që po kaloni së bashku, ose veç e veç. Nëse jeni vetëm, kushtojuni vetes dhe zhvillimit tuaj personal. Futja e njerëzve të rinj në botën tuaj nuk është konstruktive për momentin.

BRICJAPI (22.12. – 20.01.) Puna: Keni shumë ide të mira, por duhet të keni durim për të filluar realizimin e tyre. Qëndroni në detyrat aktuale, ndërkohë ajo që është dedikuar për ju do të gjejë rrugën drejt jush - mund ta përfundoni këtë periudhë duke negociuar dhe përgatitur një kontratë për periudhën e ardhshme. Çelësi i suksesit janë qetësia dhe vetëbesimi.

Shëndeti: Ndiheni mirë dhe rëniet e vogla të energjisë mund të jenë një reagim ndaj kushteve atmosferike.

Dashuria: Në lidhjen dashurore mund të filloni një ndryshim në rutinën, aktivitetet e përbashkëta ose bisedën që keni shmangur prej kohësh. Nëse jeni vetëm, mund ta gjeni veten nën ndikimin e një personi që ju magjeps, por nëse sugjerimet, kërkesat dhe këshillat e tij janë të çuditshme dhe të pakëndshme, atëherë dëgjoni ndjenjat tuaja, jo atë person. Mund të jetë një provë e vetëdijes suaj dhe e lidhjes me intuitën.

UJORI (21.01. – 19.02.) Puna: Puna është e lodhshme dhe rraskapitëse, por duhet të keni kujdes që të mos i shfaqni ato. Mund të prisni një ndryshim të madh. Nëse vërtet refuzoni çdo kompromis, mund të arrini sukses të madh. Pranojeni këtë rrezik, këshillojnë yjet. Keni mundësi të përmirësoni njohuritë dhe aftësitë tuaja, është një periudhë e mirë për të mësuar dhe zbatuar njohuri të reja.

Shëndeti: Shpërndani forcën tuaj, për të shmangur rraskapitjen për shkak të mbingarkesës.

Dashuria: Në lidhje dashurore tregoni qetësi dhe takt, drejtoni bisedat me ton të qetë dhe pa paragjykim dhe zemërim. Nëse jeni vetëm, mund të ftoheni t'i ofroni ndihmë dhe mbështetje një miku të ngushtë, ose një personi që kultivon më shumë se miqësi ndaj jush - për ju është një mundësi për të rishqyrtuar ndjenjat tuaja dhe për t'u përballur me disa paragjykime dhe bllokime.

PESHQIT (20.2 – 20.03.) Puna: Është koha për të aplikuar ndryshime, të cilat mund të jenë një trampolinë për të arritur nivele të reja në të ardhmen. Nëse merrni vendimin për të investuar para, prisni periudhën në të cilën do të rriten të ardhurat tuaja. Kujdes nga informacionet e paverifikuara dhe intrigat - mos besoni gjithçka që dëgjoni dhe mos e shpërndani atë informacion.

Shëndeti: Ju duhet të bëni një pushim nga gjithçka, gjë që mund ta bëni duke shkuar në një piknik, ose një pushim të shkurtër.

Dashuria: Në lidhje dashurore gjatë kësaj periudhe, mund të jeni vërtet të mërzitshëm dhe të vështirë - nuk mund t'i impononi partnerit tuaj atë që mendoni se është e drejtë, por me durim dhe tolerancë mund të stabilizoni atë që është e rëndësishme në marrëdhënien tuaj. Nëse jeni vetëm, një njohje e re mund të largojë të gjithë skepticizmin tuaj dhe t'ju bëjë të bëni gjithçka që keni premtuar se nuk do t'ia lejonit më vetes.

/Telegrafi/