Zlatko Dalic për shumë kë mund të jetë një emër i panjohur, pasi më parë nuk kishte luajtur asnjë në ndonjë skuadër të madhe, por as nuk kishte mbrojtur ngjyrat e Kroacisë.
Por ata që e përcjellin futbollin shqiptar kanë mundur ta shohin pikërisht në ndeshjet e këtij vendi.
Ishte korriku i vitit 2008. Hapi është i madh, ndoshta i pakonceptueshëm një dekadë më parë, kur Zlatko Daliç u prezantua te Dinamo e Tiranës si trajner.
Dalic kur ishte te Dinamo
Në Shqipëri në atë kohë njihej pak edhe pse ai kishte luajtur me klubi si Hajduk Splitit e Varteks.
Te Dinamo erdhi si i ri ambicioz, i gatshëm për çdo sfidë, duke fituar eksperiencë në stol.
Ai në atë kohë ishte në fillim të karrierës. Kishte stërvitur tre muaj Varteksin dhe kishte qenë asistent te Përfaqësuesja e 21-vjeçarëve të Kroacisë.
Zlatko Dalic te Kroacia (Getty Images)
Me Dinamon e kishte fituar vertëm Superkupës e Shqipërisë kur e mposhti 2-0 Vllazninë.
Por pas pak muajsh ai u largua, pasi kishte humbur në derbi me Tiranën dhe Partizanin.
Karriera e tij vazhdoi te Slaven Belupo në Kroaci, ndërsa punoi edhe në Arabinë Saudite me Al-Faisalin.
Trajner te Al Ain (Getty Images)
Pastaj tre sezone te Al-Ain e Abu Dhabit, në Emiratet e Bashkuara Arabe. Këto aventura krijuan idenë se Dalic donte të ishte komod në punën e tij dhe të fitonte shumë në në vend të pasura, por me nivel të ulët futbolli.
Ai nuk u shqetësua asnjëherë, por vijoi sipas planit të tij për t’i arritur majat ngadalë.
Duke festuar trofeun me Al Ain (Getty Images)
Në tetor të vitit 2017 erdhi oferta e madh për të. Ai e pranoi ofertën e federatës kroate për të marrë drejtimin e ekipit kombëtar, pasi Ante Cacic, ishte larguar shkaku i rezultateve të dobëta.
Ai e kishte pranuar ofertën vetëm me një kusht. Nëse Kroacia shkon në botëror do të vazhdojë.
Ashtu ndodhi. Ai fitoi me Kroacinë kundër Greqisë, duke e mposhtur keq në dy ndeshjet.
Zlatko Dalic kur erdhi në krye të Kroacisë (Getty Images)
Ai vazhdoi me një pagë prej 500 mijë euro në vit dhe sot po e bën të ëndërrojë një shtet të tërë.
Kjo pasi e mposhti fillimisht me qetësi Nigerinë, ndërsa e turpëroi Argjentinën e Leo Messit.
Festa e Dalic pas fitores me Argjentinën (Getty Images)
Tani Kroacia e ka kaluar grupin dhe ëndrrohet suksesi i gjeneratës 1998, ku e zuri vendine tretë në debutim.
Merita e trajnerit është se ka ditur të menaxhojë më së miri një skuadër me yje si Luka Modric, Ivan Rakitic, Dejan Lovren, Ivan Perisic e Mario Mandzukic. /Supersport/
