Historia e 64-vjeçarit italian i cili kishte vendosur kamera të fshehta në banjë dhe dhomë – për të përgjuar vajzat qiramarrëse

Një qiradhënës italian (64-vjeç) i cili kishte filmuar qiramarrësit e tij të rinj duke instaluar kamera në banjë është dënuar me kusht.

Sipas mediave italiane, përcjell Telegrafi, duke vendosur mikro-kamera të fshehura në dhoma – përfshirë banjën – i akuzuari, kishte vendosur një lloj Big Brother në apartamentin në Milano, në zonën Viale Fulvio Testi, ku ai vetë jetonte dhe një pjesë të së cilit ua dha me qira disa vajzave.

Natyrisht, pa e ditur qiramarrësit, ai kishte mbushur dhomat me kamera, duke arritur të filmonte të paktën tri të reja gjatë momenteve të intimitetit.

Dhe dy qiramarrës të tjerë, në mars të vitit 2019, vunë re aksidentalisht praninë e kamerave, duke denoncuar gjithçka.

Në veçanti, një nga gratë e reja kishte vërejtur praninë “e një mikro kamera të fshehtë, të instaluar pas një impianti të rremë të pozicionuar në kabinet pranë pasqyrës” në banjë, siç raportohet nga një tjetër ruse.

Duke kontrolluar, vajza kishte zbuluar një kamerë tjetër në dhomën e saj të gjumit “të fshehur mbi veshjet, midis dy kutive, duke inkuadruar shtratin”.

Dhe së fundmi, një ‘sy artificial’ i tretë ishte zbuluar në dhomë nga qiramarrësi i huaj.

Si pasojë, 64-vjeçari, i mbrojtur nga avokati Andrea Benzia, u akuzua për “ndërhyrje të paligjshme në jetën private”.

Në gjyq, njëra nga vajzat, privatësia e së cilës u shkel, e mbrojtur nga avokati Marco Ventura, ishte një palë civile. /Telegrafi/