Heroi i Barcelonës u sulmua në tunelin e stadiumit të Benficës, u desh ndërhyrja e policisë

Heroi i Barcelonës, Raphinha, thuhet se u sulmua nga nikoqirët e Benficës pas fitores së katalunasve në Ligën e Kampionëve të martën mbrëma.

Barcelona bëri një kthesë të pabesueshme në Benfica në ndeshjen e xhiros së shtatë të Ligës së Kampionëve. Edhe pse po humbte 1-3 pas gjysmë ore, dhe 2-4 në minutën e 68-të, ajo arriti të fitojë 5-4 në fund të ndeshjes.

Heroi i triumfit të mrekullueshëm ishte Raphinha. Në minutën e 64-të, ai shënoi një gol që e ktheu Barcelonën në ndeshje, duke ngushtuar rezultatin në 2-3, dhe më pas shënoi në minutën e pestë të shtesës për t’i dhënë Barcelonës fitoren 5-4 në një nga rikthimet më të mëdha në histori të Ligës së Kampionëve.

Lexo po ashtu Flick vlerëson mentalitetin e Barcelonës pas fitores së çmendur ndaj Benficës në Ligën e Kampionëve

Futbollistët e Barcelonës e festuan triumfin e papritur dhe kjo nuk u pëlqeu nikoqirëve portugezë. Disa lojtarë të Benficas sulmuan Raphinhan në tunelin e stadiumit të tyre.

Sipas mediave spanjolle e në veçanti Movistar+, shkruajnë se është dashur të ndërhyjë policia për të qetësuar gjakrat dhe për të ndaluar përplasjen.

Raphinha konfirmoi përplasjen pas ndeshjes, duke treguar gjithçka çfarë ndodhi.

🤦🏻‍♂️ Raphinha y el lío final en el túnel de vestuarios:

“Cuando salía del campo me han insultado y yo los he devuelto. Al final nos calentamos todos pero yo no me llevo nada para casa”. #LaCasaDelFútbol #UCL pic.twitter.com/Rc6HzYx6H8

— Fútbol en Movistar Plus+ (@MovistarFutbol) January 21, 2025

“Më kanë fyer dhe unë ia kam kthyer. Po të më respektojnë do t’i kisha respektuar. Përkundrazi më kanë fyer, por nuk u kam pasur borxh”, ka thënë fillimisht Raphinha.

“Kjo është ndeshja ime më e mirë. Jam krenar që jam te Barça dhe krenar për këtë ekip. Do të vrisja dhe do të vdisja për të”, përfundoi braziliani. /Telegrafi/