Haziri: Taksa do të hiqet, dallimet do të shkrihen shpejt

Nënkryetari i Lidhjes Demokratike të Kosovës Lutfi Haziri, ka thënë se dallimet për heqjen e taksës ndaj importimit të mallrave të Serbisë do të shkrihen shumë shpejtë.

Haziri ka thënë se këto dallime do të shkrihen, “sepse miqtë, asnjëherë nuk e kanë lënë Kosovën të gabojë”.

“Dallimet’ do të shkrihen së shpejti. Kosova ka qenë ‘e ngufatur’ shumë gjatë nga tarifa. Por ne të gjitha kemi punuar shumë që ‘ta heqim’ tarifën dhe të lejojmë normalizimin. Miqtë e Kosovës kurrë nuk na kanë lejuar të bëjmë ‘gabime’ ose të vonohemi në procese të reja, të rëndësishme në Kosovë”, ka shkruar Haziri në Twitter, transmeton Telegrafi.

We must lead these difficult processes. Very difficult but a necessary decision for the present and future of Kosovo.

— Lutfi Haziri (@LutfiHaziri) March 2, 2020

Ai shtoi se këto janë vendime të vështira, por të nevojshme për të ardhmen e vendit.

“Ne jemi të detyruar t’i drejtojmë këto procese të vështira. Shumë i vështirë, por vendim i nevojshëm për të tashmen dhe të ardhmen e Kosovës”, ka shkruar Haziri.

Me kërkesën e 41 deputetëve nga partitë opozitare, Kuvendi i Kosovës po mban sot një seancë të jashtëzakonshme lidhur me paralajmërimin e kryeministrit, Albin Kurti, për shfuqizimin hap pas hapi të tarifës 100 për qind ndaj importeve nga Serbia dhe Bosnje e Hercegovina./Telegrafi/