Kryeministri Ramush Haradinaj ka pritur kreun e Institutit Kombëtar Demokratik, Derek Mitchell.
Ai tha se NDI nga Uashingtoni i ka dhënë ndihmesë të jashtëzakonshme demokratizimit të Kosovës për dy dekada me radhë.
“Gjatë bashkëbisedimit, u pajtuam së vendi ynë po shënon progres të vazhdueshëm në avancimin e vlerave demokratike dhe institucioneve të qëndrueshme dhe gjithëpërfshirëse”, tha Haradinaj.
Shefi i ekzekutivit kosovar tha se e kishte njoftuar kreun e NDI-së edhe për agjendën qeveritare dhe angazhimin e Kosovës për paqe dhe stabilitet në rajon. /Telegrafi/
