Dita e parë e shkollës nuk ishte si çdo vit tjetër për nxënësit e American School of Kosova.
I shumëpritur dhe i shumë përfolur kampusi i American School of Kosova hapi dyert për prindërit dhe fëmijët, dje më 10 shtator, në Prishtinë. Fëmijët prej 2 deri 12 vjeç filluan vitin e ri shkollor 2018/2019 shumë entuziastë dhe tërë kurreshtje për të eksploruar ambientin e ri që do t’i rrethojë viteve në vazhdim.
Një objekt me një plan inovativ e konstruksion cilësor, ambient të ngrohtë, shumëngjyrësh e shumë të rehatshëm si ky i American School of Kosova, padyshim që solli frymën ndërkombëtare dhe inovacion në institucionet arsimore në Kosovë dhe më gjerë.
American School of Kosova së shpejti do të hapë edhe kampusin shkollor për nxënësit nga mosha 13 deri 18, i cili do t’iu shërbejë mbi 700 nxënësve gjithsej me kampusin për të vegjëlit.
