Guvernatori i Bankës Popullore në Maqedoni do të zgjedhet pas ndërrimit të Ivanovit?

Guvernatori aktual i Bankës Popullore të Republikës së Maqedonisë (BPRM), Dimitar Bogov edhe pak muaj do të jetë në pozitën aktuale, derisa të njejtit do t’i kalojë mandati.

Zgjedhja e guvernatorit të rinj është nën kompetencat e kryetarit të shtetit, që aktualisht është Gjorge Ivanov, një figurë jo e pëlqyer nga LSDM-ja në pushtet, shkruan Telegrafi Maqedoni.

Propozimi për guvernator të ri duhet të sillet nga kryetari i shtetit dhe për këtë fakt, pushteti do të pres zgjedhjet presidenciale dhe ndërrimin e Ivanovit me një kryetar të ri, e që pastaj do të ndikohet në ndërrimin e Ivanovit.

Zv.ministri i ekonomisë, Kire Naumov e parashikon një skenar të tillë duke thënë se do të pritet që të ndryshohet kreu i shtetit edhe pastaj do të bëhet zgjedhja e guvernatorit. Edhe pse Banka Popullore e Republikës së Maqedonisë mund të mbetet pa guvernator për një vit të plotë.

”Mungesa e guvernatorit nuk do të ndjehet askund. Kjo për faktin se në vend të Bogov punën mund ta bëjnë zëvendësit e tij” përfundon Naumov.

Nga BPRM nuk duan t’i komentojnë këto plane, duke thënë se janë të fokusuar në punët e tyre. /Telegrafi/