Gurzhanova ju flet për trajtimin anti-aging tek riprodhimi i çifteve

Çka është anti-aging dhe si fillon trajtimi, ju flet D-r Tatjana Gurzhanova, e angazhuar në NewBorn Clinic në Shkup. Formën e trajtimit, mënyrën, përgatitjet për trajtim dhe rezultatet nga ky trajtim i keni në intervistën e realizuar nga Telegrafi Maqedoni me mjeken Gurzhanova.

Çka është anti-aging në kontekstin e procesin e pjellorisë?
D-r Tatjana Gurzhanova: Është terminologji angleze në medicinë që merret me mjekimin e sëmundjeve që lidhen me plakjen. Jo çdoherë plakja lidhet me vitet, por gjithashtu lidhet edhe me sjelljet dhe mënyrën e jetesës që sjellin deri tek plakjen e parakohshme të vezoreve dhe të gjithë sistemin shëndetësor dhe sistemin riprodhues. Kështu që, nëse një organizëm është i ekspozuar në faktorë të jashtëm apo të brendshëm që sjellin në plakjen e shpejtë të sistemit atëherë kjo sjell edhe tek plakja e sistemit repreduktiv femëror dhe mashkullor. Nëse i njohim këto ngjarje dhe i trajtojmë me kohë atëherë kemi mundësi reale dhe frytëzim efektiv dhe zmadhim të mundësive për shumëzim nga kapacitetet femërore dhe tek organet urogjenitale tek meshkujt.

A mundet të na tregoni për këto trajtime?
D-r Tatjana Gurzhanova: Trajtimet janë të shumta, diagnostifikimi është më kompleks në krahasim me diagnostifikimet tjera. është një mjekësi e re që nëpër botë ekziston në 10-15 vitet e kaluara. Këto janë koncepte të reja, qasje të reja në diagnostifikim dhe trajtim, për të trajtuar me preventive shenjat që janë të lidhura me plakjen para kohe duke larguar shkaktarët. është një proces më i ndërlikuar dhe më i gjatë, duke filluar nga korrigjimi i ushqimit, korrigjimi i mënyrës së jetesës, suplementimi me terapi me vitamina, korrigjim i sistemit endokrin që tregon baraspeshë në procesin e plakjes. Kur do të ketë një nivel të kënaqshëm të këtij procesi me shenjat e plakjes nëpërmjet procesit anti-aging medicine, atëherë fillojmë me trajtimin tjetër, që është shtatëzania e pacientit.

Cilëve pacient ju sugjeroni këtë trajtim?
D-r Tatjana Gurzhanova: Ne ju sugjerojmë këtë trajtim për pacientët tek të cilët kemi dyshime se ka plakje të parakohshme tek pacientet më të reja, apo tek pacientet që kanë mbi 40 vjite, të cilat kanë dëshirë të bëhen prindër.

Ashtu si tham më lartë, një diagnostifikim i mirë dhe një trajtim adekuat me mjekësinë anti-aging mundëson që pacientet të kenë shtatëzani.

A mundëson kjo teknikë që të rrit mundësinë për sukses në fekondimin in-vitro?
D-r Tatjana Gurzhanova: Jemi në fillimet e shfrytëzimit të këtij trajtimi dhe jemi të kënaqur me rezultatet e arritura. Pacientja jonë e fundit është 46 vjeçare. Të njejtën për më shumë se një vjet e trajtojmë me terapi me vitamina në formë intravenoze, me ozonoterapi, me sumplementim të hormoneve dhe kemi arritur shtatëzani me vezoret e saja, që është një sukses i madh nga një qendër që merret me invitro, me trajtime të infertilitetit tek pacientët. Jemi shumë herët për të treguar statistika, por si fillim nuk kemi efekte negative. Kemi vetëm efekte pozitive mbi shëndetin e përgjithshëm të pacientëve dhe rezultate të rritura pozitive të fertilitetit tek këto pacientë.