Guardiola e thotë publikisht se i ka humbur besimi te ylli i Man Cityt

Pep Guardiola ka mbrojtur vendimin e tij për të lënë jashtë Jack Grealishin në ndeshjet e fundit të Manchester Cityt.

Grealish iu bashkua Cityt në një marrëveshje prej 120 milionë eurosh në verën e vitit 2021, por ka shfaqur një sezon të tmerrshëm. Ai ka bërë vetëm 11 starte në të gjitha garat, duke luajtur vetëm 33 minuta në shtatë ndeshjet e fundit të Cityt në Ligën Premier.

Anësori u la në bankinë si për fitoren ndaj Chelseat ashtu edhe për humbjen e thellë ndaj Arsenalit. Në vend të kësaj, Savinho, Omar Marmoush dhe Phil Foden janë përzgjedhur si kërcënimi i Cityt nga Guardiola.

Mungesa e minutave të Grealish ka çuar në pyetje mbi statusin e tij në Etihad Stadium. Por Guardiola ka këmbëngulur me vendosmëri se ai do t’i përmbahet planeve të tij të përzgjedhjes, me Grealish që po përballet me një luftë për të rikthyer vendin e tij.

“Më vjen shumë keq që ata nuk marrin minutat që ndoshta meritojnë, por në fund, kontributet nga Jeremy Doku ose Savinho kanë qenë të mëdha këtë sezon. Kjo është e vetmja arsye pse”, deklaroi Guardiola.

“Nuk është personale, ose nuk më pëlqen Jack, ose nuk kam besim tek ai. Trajneri ndonjëherë duhet të zgjedhë një lojtar përballë një tjetri, jo vetëm sepse nuk ju pëlqen tjetri, por sepse një lojtar mund t’ju japë në momentin e caktuar të një sezoni”.

Lexo po ashtu Fjetja me gojën e mbyllur është virale tashmë: Haaland shpjegoi pse

“Jo më shumë se kaq. Sigurisht që unë bëj gabime dhe ndoshta ai duhet të luajë në ndeshje të tjera, ose ndoshta lojtarët që luajnë nuk duhet, por kjo është bota ime, jeta ime, dhe ju duhet ta pranoni atë”, ka shtuar më tej trajneri spanjoll.

Grealish do të shpresojë të paraqitet të shtunën kur City të udhëtojë në Leyton Orient në raundin e katërt të FA Cup. /Telegrafi/