Grubi me letër për kolegët nga BE, kërkon të mbështetet vendi që të realizojë ëndrën evropiane

Kryetari i Komisionit kuvendar për çështje kuvendare, Artan Grubi drejtoi letër deri te kolegët e Bashkimit Evropian ku bëhet apel të përkrahet vendi dhe ëndrra evropiane e vendit me vërtetim të rekomandimit për marrjen e datës për fillim të bisedimeve në qershor.

“Data neve na hap derën e shkollës ku ne vazhdimisht do të mësojmë dhe do t’i kalojmë 35 testet që ne fund të diplomojmë. Ju në mënyrë miqësore na inkurajoni të tregojmë lidership dhe t’i zgjidhim çështjet tona, ashtu siç edhe bëmë, dhe tani, gjithashtu, ne në mënyrë miqësore ju inkurajojmë të na jepni mundësi”, thotë Grubi në letë, përcjell Telegrafi Maqedoni.

Ai shton se përcaktimi i shtetit për anëtarësimin në BE është pa mëdyshje, mbipartiake dhe e vërtetuar edhe në këtë përbërje të Kuvendit, me votim unanim të Deklaratës për përshpejtim të proceseve reformatore dhe integruse për anëtarësimin në Bashkimin Evropian.

“Me ratifikimin e Marrëveshjes së Prespës te ne dhe në Kuvendin grek, çështja për përdorimin e emrit kushtetues të vendit për fat të mirë u mbyll në mënyrë të suksesshme. Të dy vendet kontribuuan për tejkalimin e këtij kontesti bilateral. Njëherit nënshkruan Marrëveshje për fqinjësi të mirë me Bullgarinë”, thotë Grubi.

Në letër, deputeti Artan Grubi shton se janë bërë refromat në gjyqësi, luftën kundër korrupsionit, inteligjencë, shërbime e sigurisë si dhe reformat në administratën publike dhe se vendi ka marrë statusin e kandidatit që nga viti 2005./Telegrafi/