Gratë që punojnë si prezantuese lajmesh në Afganistan, nga sot duhet ta mbulojnë fytyrën

Gratë që punojnë si prezantuese të lajmeve në televizionet afgane, sot janë shfaqur para ekraneve me fytyrë të mbuluara – vetëm një ditë pasi talebanët urdhëruan se duhet ta ndryshojnë pamjen kur janë pranë ekraneve televizive.

Që kur erdhën në pushtet gjatë vitit të kaluar, talebanët kanë vënë një sërë kufizimesh në shoqërinë civile – e shumë janë fokusuar në kufizimin e të drejtave të grave dhe vajzave, transmeton Telegrafi.

Në fillim të këtij muaji, lideri suprem në Afganistan, Hibatulah Akundzada, ka paraqitur një lloj doracaku me të cilin propozohet mbulimi i plotë i fytyrës së grave, në veçanti kur janë në hapësira publike, përfshirë rrugët – pra bartjen e burkës tradicionale.

One of the gains of the past twenty years was Afghanistan's vibrant and free press. Today, this is what the Taliban say freedom looks like. Female television presenter forced to cover their faces. pic.twitter.com/3UBLvukTjp

— Yalda Hakim (@SkyYaldaHakim) May 22, 2022

Ministria për Promovimin e Virtyteve dhe Parandalimin e Kundërvajtjeve, ka urdhëruar nga dje që gratë që punojnë si prezantuese televizive të mbulojnë fytyrën. Ato nuk e kishin dëgjuar dhe ishin shfaqur në program me fytyra të zbuluara, por që nga sot duhet ta respektojnë direktivën.

Nga gratë që më herët punonin si prezantuese lajmesh ishte kërkuar të bartin vetëm shami. E Zëdhënësi i Promovimit të Virtyteve, Akif Sadik Muhajir, ka thënë sot se autoritetet nuk planifikojnë t’i shkarkojnë ato – veç se thjesht duhet t’i zbatojnë urdhrat. /Telegrafi/