Pas dy viteve qëndrim në Challange League, më në fund ka ardhur rikthimi i madh në Superligën e Zvicrës.
Gjiganti zviceran ka kaluar krizën dhe ka arritur të rikthehet në elitën e futbollit zviceran.
Në ndeshjen e fundit në Challange League, Grasshopper ka fituar me rezultat 2-1 ndaj Kriens.
Ishte minuta e 13-të kur sulmuesi nga Kosova, Shkëlqim Demhasaj shënoi nga afërsia për 1-0.
Pas 36 ndeshjeve në Challange League, Grasshopper ka grumbulluar 65 pikë, një më shumë se Thun që mbeti në vendin e dytë.
Kësisoj GC që është klubi me më së shumti trofe në Zvicër rikthehet aty ku e ka vendin në elitë.
Meritë të madhe për rikthimin e GC në Superligën zvicerane patën edhe dy futbollistët nga Kosova, mbrojtësi i majtë Ermir Lenjani dhe sulmuesi Shkëlqim Demhasaj.
Lenjani u paraqit në 32 ndeshje ku shënoi një gol dhe bëri dy asistime.
Në anën tjetër Demhasaj luajti në 34 ndeshje ku shënoi 11 gola dhe bëri katër asistime. /Telegrafi/
