Google Maps më në fund lanson Street View në Indi pas 11-vjet pritjeje

Google Maps i Alphabet lansoi të mërkurën shërbimin e tij panoramik Street View në 10 qytete indiane në partneritet me Tech Mahindra dhe Genesys, 11 vjet pasi një përpjekje e parë pati probleme rregullatore.

Funksioni, i cili ofron pamje 360 gradë të rrugëve anembanë botës, është përballur me ankesa për privatësinë dhe kontrollin rregullator në shumë vende, përcjell Telegrafi.

Lansimi indian vjen pasi Google-s iu mohua leja të paktën dy herë në dekadën e fundit nga qeveria për shqetësime sigurie.

Drejtuesit e kompanisë thanë të mërkurën se ishte në gjendje të përmbushte kërkesat rregullatore falë një politike të re gjeohapësinore nga India vitin e kaluar, e cila lejon operatorët e huaj të hartave të ofrojnë imazhe panoramike duke licencuar të dhënat nga partnerët lokalë.

Grumbullimi i të dhënave është bërë tërësisht nga Tech Mahindra dhe Genesys, tha Google, duke shtuar se shërbimi do të jetë i disponueshëm në mbi 50 qytete indiane deri në fund të këtij viti. /Telegrafi/