Google duket se po përgatit një mjet shkrimi të inteligjencës artificiale për ChromeOS

Duke u mbështetur në vrullin e vazhdueshëm të kompanisë në mjetet gjeneruese të inteligjencës artificiale, duket se Google po përgatit një veçori shkrimi dhe redaktimi të inteligjencës artificiale për Chromebook.

Google nuk është i pa-njohur në ofrimin e veçorive të fuqizuara nga inteligjenca artificiale të cilat synojnë përmirësimin e kualitetit të shkrimit tuaj.

Sot, në Gmail dhe Google Docs, mund të gjeni mjete me orientim profesional si “Write for me” dhe “Help me write”, përderisa edhe aplikacioni me fokus për klientë, Google Messages së fundmi ka marrë integrimin e një veçorie të quajtur “Magic Compose”, e cila ose mund të ju ndihmojë në rishkrimin e draft përgjigjes ose draft përgjigjes të bazuar në kontekstin e bisedës, raporton 9to5google, përcjell Telegrafi.

Siç tregohet nga fokusi i inteligjencës artificiale në konferencën I/O të këtij viti – dhe në muajt e ardhshëm, me njoftime si Projekti IDX – çdo gjë që Google mund të aplikojë në mënyrë të arsyeshme inteligjencë gjeneruese artificiale, do të përpiqet ta bëjë këtë.

Bazuar në kërkimin më të fundit nga 9to5google, një nga produktet e ardhshme të Google për të fituar integrimin e inteligjencës artificiale mund të jetë ChromeOS.

Në fillim të këtij viti, pati raportime se punonjës të Google, në vazhdën e lansimit të Bard në ueb, po punonin për të integruar chatbot-in në Chromebook, por kjo përpjekje ka kohë që ka dështuar, të paktën në kodin publik.

Kohët e fundit, kompania ka punuar në mënyrë aktive në një projekt që, çuditërisht, ka të paktën pesë emra të koduar të lidhur me të, tre kryesoret janë “Orca”, “Mako” dhe “Manta”.

Nga ajo që mund të gjendej, “Orca” do të shfaqet kryesisht në menunë e klikuar me të djathtën e ChromeOS, por vetëm kur redaktoni një pjesë të tekstit. Kur të zgjidhet, Orca do të hapë ndërfaqen “Mako” në një “flluskë” mbi ekranin tuaj.

Sipas kodit, Mako ka tre detyra kryesore. Së pari, ai mund të “kërkojë rishkrime” të një pjese të veçantë të tekstit, me sa duket duke kërkuar një version të rishkruar me inteligjencë artificiale të asaj që keni shkruar.

Së dyti, ai mund të ofrojë një listë të “pyetjeve të paracaktuara të tekstit”, të cilat supozohet – në kontekstin e inteligjencës artificiale gjeneruese – të jenë nxitje shembulli se si të kërkohet një stil i caktuar. Së fundmi, Mako mund të “fusë” tekstin e rishkruar kudo që keni shkruar fillimisht. /Telegrafi/