Golden State Warriors kanë "shkatërruar" në minutat e fundit Cleveland Cavaliers për të fituar ndeshjen e tretë të serisë së finales së madhe të NBA-së.
Wariorrs pas triumfit të sotëm me rezultat 118-113 i nevojitet edhe një fitore për tu shpall kampion i ligës më të fortë në botë për basketboll.
Më meritori për triumfin e mysafirëve ishte Kevin Durant, por edhe në saje të basketbollistëve të Cavaliers, të cilët në tre minutat e fundit të ndeshjes nuk e realizuan asnjë pikë, gjersa Golden State bëri një seri prej 11:0 dhe rikthyen rezultatin në favor të tyre.
Në fakt, Cavaliers, ishin 6 pikë në epërsi 3 minuta para fundit të ndeshjes, para se Durantt’i kthejë luftëtarët në lojë duke shënuar 14 pikë në çerekun e fundit.
Cavs duhet të bëjnë një mrekulli edhe më të madh se vitin e kaluar kur u shpallën kampion të NBA-së, pasi që atëbotë rezultati ishte 3-1 në favor të Warriors, transmeton Telegrafi.
Lojtari më efikas te fituesit ishte sërish Kevin Durant me 31 pikë, tetë kërcime dhe katër asistime, duke realizuar edhe pikët më të rëndësishme në periudhën e fundit, kur rezultati i ishte në disfavor të Warriors.
Edhe Clay Thompson pati një paraqitje të mrekullueshme duke realizuar 30 pikë dhe gjashtë kërcime. Stephen Curry realizoi ‘double-double’ në saje të 26 pikëve dhe 13 kërcimeve ndërsa shtoi 6 asistime.
Lojë të jashtëzakonshëm shfaqi te Cavs, LeBron James, i cili regjistroi ‘double-double’ në saje të 39 pikëve dhe 11 kërcimeve gjersa pati edhe nëntë asistime. Kyrie Irving realizoi një pikë më pak se ‘mbreti’ James, por nuk ishte e mjaftueshme për të shmangur humbjen e radhës së kampionit.
Kujtojmë se takimi i katërt ndoshta edhe i fundit për këtë sezon zhvillohet të shtunën në orët e para të mëngjesit. /Telegrafi/
