Goditet nga vetëtima, bie prej malit dhe mbijeton – shpëtimi tij kryhet në mot shumë të vështirë (Foto)

Një alpinist britanik është me fat që mbeti gjallë, pasi u godit nga vetëtima dhe ra prej një mali, teksa ndodhej në afro 2,000 metra lartësi.

Burri 44-vjeçar, që mbetet i paemëruar shkaku i ligjeve për privatësi, po ngjitej nëpër Alpet Australiane kur ndodhi aksidenti, transmeton Telegrafi.

Derisa përpiqej t’i pushtonte disa maja, moti u përkeqësua në masë të madhe, ndërsa bashkë me stuhinë nisën edhe vetëtimat.

Gjatë orëve të pasdites, atë e goditi një vetëtimë, si pasojë e të cilës ra prej një kodre të lartë rreth pesë metra. Megjithëse ishte i lënduar rëndë, arriti të përdorte telefonin dhe të njoftonte mbrojtësit e rendit.

Si pasojë e motit të rënduar, vetëm një infermier ka mundur të zbriste prej helikopterit dhe t’i jepte ndihmëe e parë.

Pasi moti nuk po përmirësohej, gjashtë shpëtimtarë të specializuar janë nisur nga një bazë e afërt për ta kthyer poshtë. Intervenimi tyre ka përfunduar me sukses edhe pse në kushte shumë të vështira klimatike, ndërsa qielli është hapur vetëm kur ata zbritën prej vargmalit.

Mësohet se alpinisti është shtruar në spital, ku po trajtohej për lëndime të paspecifikuara. /Telegrafi/