Glam Week – eventi i parë në Kosovë nga GjirafaMall

GjirafaMall si dyqani më i madh i blerjeve online dhe në hap me trendet botërore, ndër të tjera njihet edhe për shumëllojshmërinë e produkteve kozmetike.

Në vazhdën e aktiviteteve të ndryshme që mban herë pas here, ka organizuar për herë të parë në Kosovë eventin Glam Week për promovimin e produkteve kozmetike.

Eventi u organizua nga data 08/08/22 – 12/08/22 në ambientet e showroomit të GjirafaMall, nga ora 17:00 deri në orën 20:00, dhe në kuadër të këtij eventi kushtuar kulturës së bukurisë dhe mirëqenies, si protagoniste kryesore ishin të ftuarat speciale, grimeret profesionale si dhe entuziastet e bukurisë.

Përveç të ftuarave, GjirafaMall u ka bërë thirrje publike për pjesëmarrje të gjitha grave dhe vajzave që të bëhen pjesë e këtij eventi, ku patën rastin të njiheshin për së afërmi me produktet më të kërkuara në treg.

Disa nga aktivitetet e kësaj jave ishin grim falas nga grimeret profesionale, muzikë dhe pije gjatë tërë kohës dhe dhurata nga më të ndryshmet për të gjitha pjesëmarrëset.

Qëllimi kryesor i organizimit të kësaj jave ishte promovimi i vlerave, kualitetit dhe origjinalitetit të mbi 10.000 produkteve kozmetike të brendeve më të njohura botërore si Anastasia Beverly Hills, NYX Professional Makeup & Beauty, Chanel, Lancome, The Purest Solution, Lovely e shumë të tjera të cilat mund t’i gjeni këtu.

Përderisa nëpër botë këto aktivitete mundësohen tash e sa kohë nga Sephora, Lancome e shumë brende tjera, tani e tutje edhe GjirafaMall i ofron këto aktivitete për të gjithë në baza mujore.

Rrini gati për eventin e rradhës!