Gjykimi për lëndën “Dhunë në Qendër” vazhdon më 5 nëntor

Dokumente nga llap-topi e të punësuares nga ndërmarrja publike “Parkingje” të Komunës Qendër, si dhe komunikimi përmes telefonave celular të këshilltarëve të OBRM-PDUKM-së me qytetarët para komunës më 10 qershor të vitit 2013, sipas kryetarit aktual të Komunës Qendër, Sasha Bogdanoviq janë dëshmi se dhuna në Qendër ka qenë e organizuar.

Për këtë në Gjykatën Penale dëshmoi Bogdanovi i propozuar si dëshmitar nga PSP-ja në lëndën “Dhunë në Qendër” ku të akuzuar janë ish-kryeministri Nikolla Gruevski, ish-ministri i Transportit dhe Lidhjeve Mile Janakieski, deputetja aktuale në Kuvend, Daniela Rangellova, këshilltari i atëhershëm i Komunës së Gazi Babës, Aleksandar Trajkovski dhe disa persona tjerë, përcjell Telegrafi Maqedoni.

Bogdanoviq në dëshminë e tij tha se e punësuara Nade Temellkovska në Sektroin për marrëdhënie me publikun e ka njoftuar se ka gjetur vend punë dhe gjatë dhënies së pajisjeve, e ka lënë llap-topin zyrtar tek ai si drejtor i atëhershëm i kësaj ndërmarrje publike. Bogdanoviq me qëllim që të kontrollojë se në çfarë gjendje është llap-topi, ka vërejtur se është hapur email të në emër të burrit të Nades, Daniel Temellkovski ku ka pasur letra të shkëmbyera me persona nga Komiteti Komunal i OBRM-PDUKM-së dhe se si janë marrë vesh që t’i organizojnë protestat para Qendrës dhe të sigurojnë 200 njerëz.

Bogdanoviq ka marrë dokumentet dhe ua ka dhënë PSP-së. Sipas tij, udhëheqës i turmës është i akuzuari Aleksandar Trajkovski, të cilin e njohu në seancë, si dhe Daniella Rangellova e cila në atë kohë e ishte këshilltare e komunës nga radhët e OBRM-PDUKM-së.

Ai tha protestat kanë qenë më të organizuara ditën e dytë kur të pranishmëve ju janë shpërndarë sanduiçe, si dhe vezë dhe mjete tjera për t’i hedhur./Telegrafi/