Gjorgiev: Incidentet që dëmtojnë marrëdhëniet Shkup – Sofje janë me skenar

“Zhvillimet e fundit në marrëdhëniet maqedono-bullgare ndikojnë edhe në punën e Komisionit të përbashkët për çështje historike dhe arsimore”, thekson bashkëkryetari i Dragi Gjorgiev. Ai thotë se ka tendencë që marrëdhëniet mes Shkupit dhe Sofjes të sulmohen vazhdimisht në periudha të caktuara për të prishur një vazhdimësi të shkurtër të një periudhe paqësore.

“Nuk mund të mbetemi imun ndaj asaj që po ndodh në shoqëri dhe të gjitha ato përmbysje politike, tensione, keqkuptime, grindje politike ditore, që ndodhin në mënyrë ciklike në marrëdhëniet maqedono-bullgare dhe pa dyshim që ndikojnë në punën e Komisionit. Pothuajse rregullisht në të gjitha ato përleshje dhe deklarata politike që bëhen përmendet Komisioni, përmendet historia, përmenden temat në të cilat punon vetë Komisioni dhe e gjithë kjo ndikon në atomosferën në vetë komisionin”, tha Gjorgiev për “Zërin e Amerikës”.

Sipas tij, ka tendencë për të prishur vazhdimësinë e periudhave paqësore në marrëdhëniet maqedono-bullgare.

“Është e qartë se dikush ka nevojë për të dhe kur ato marrëdhënie paqësore dhe të mira zgjasin për një periudhë të caktuar dhe puna shkon në drejtimin e duhur, ndodhin incidente, të cilat padyshim, duke marrë parasysh historinë e incidenteve të mëparshme, bëhen të menduara me skenar të drejtuar paraprakisht. Dhe mendoj se kjo do të de-përshkallëzohet, situata do të qetësohet, por sërish ka forca që nuk do të më befasojnë pas dy muajsh, nëse në çdo rast ndodh e njëjta gjë”, thekson Gjorgiev.

Për atë se a mund të arrihet një zgjidhje për Goce Dellçevin, ai thekson se kjo temë pothuajse nuk është diskutuar seriozisht gjatë vitit të kaluar.

Ai beson se në kushtet aktuale të marrëdhënieve të ftohta, me tension shumë të lartë, Komisioni e ka shumë të vështirë të punojë me qetësi dhe paqësi për Goce Dellçevin.