Ata kanë njoftuar se janë zotuar që për përkushtim të plotë për të siguruar zhvillimin e ndeshjeve sipas të gjitha rregullave të FFK-së, pa incidente dhe me kulturë të lartë sportive.
KF Gjilani dënon të gjitha sjelljet e këqija nëpër stadiume dhe ka kërkuar nga tifozët e klubit që t’i shmangen sharjeve, gjuajtjen e gjësendeve në fushë, transmeton Klan Kosova.
Ata të cilët bëjnë sjellje të pahijshme nuk do të iu lejohet hyrja në stadiume, shkruan në komunikatën e këtij klubi.
Më tej ata shprehin falënderim ndaj tifozëve “Skifterat” për përkrahjen e vazhdueshme të skuadrës.
Kryesia e KF Gjilanit është shprehur e kënaqur me performancën e deritashme të ekipit dhe edhe më tutje pret angazhim maksimal të ekipit dhe shtabit teknik në ndeshjet e ardhshme të këtij kampionati.
Nga ky takim u emërua Bekim Rexhepi si ushtrues detyre i Kryetarit të Klubit, ndërkaq Granit Mustafa u emërua zyrtar për media.
