Gjesti i jashtëzakonshëm i Gabriel Jesus, transferohet në Angli dhe i shpërblen dy shokët e tij e ngushtë

Sulmuesi i talentuar brazilian, Gabriel Jesus është bërë gati për tu transferuar në Angli.

Ylli i skuadrës Palermias u transferua te City gjatë verës mirëpo ka mbetur si huazim në Brazil deri në janar.

Kësisoj ai do të bartet në Angli dhe do të jetë nën urdhrat e Pep Guardiolës.

Talenti brazilian ka deklaruar se mezi pret t’i bashkohet skuadrës së tij të re.

“Mezi pres të udhëtoj drejt Anglisë dhe të luaj për Cityn. Anglia është një vend i mrekullueshëm për mua. Me vete do të marrë nënën time, vëllanë tim dhe dy shokët që kam luajtur futboll nga fëmijëria”, deklaroi Gabriel Jesus.

“Dy shokët e mijë që do të vijnë me mua më kanë ndihmuar gjatë gjithë karrierës sime. Po të kisha mundësi do ta merrja gjithë lagjen time në Angli”, tha Jesus.

Gjesti i Jesus për t’i marrë dy shokët e ngushtë me vete në Angli është vlerësuar shumë në Brazil.

Ai tutje ka zbuluar edhe numrin që do të bartë në Manchester City.

“Kam zgjedhur numrin 33 pasi është numri im i preferuar. Shpresoj të kem sukses dhe të fitojë trofe me Cityn”, tha Jesus. /Telegrafi/