Gjermania ofron biletën mujore për transport publik me çmim prej 9 eurove

Gjermanët do të mund të udhëtojnë brenda vendit me vetëm 9 euro për muaj që nga qershori, pas një pakete të masave të dizajnuar nga qeveria për të ulur ndikimin e inflacionit dhe rritjes së çmimeve të karburanteve në vendin me ekonominë më të fuqishme në botë.

Masat e reja përfshijnë edhe ulje të taksave të naftës, masa këto të cilat patën ndikim të menjëhershëm në uljen e çmimeve të benzinës dhe naftës nën 2 euro për litër.

Sipas statistikave të publikuara nga Adac, thuhet se benzina dhe nafta ishin më të lira për 30 cent, respektivisht për 14 cent në litër, përcjell Telegrafi.

Inflacioni në muajin maj në Gjermani ishte për 7.9 cent më i lartë, kjo pasi që agresioni rus në Ukrainë bëri që çmimet për energji elektrike të ngritën, çrregulloi zinxhirin e furnizimeve dhe krijoi rrëmujë në eksportin e agrikulturave.

Qeveria është futur nën presion pasi që atyre po u kërkohet që të ndihmohen konsumatorët e shtresave më të ulëta.

Bileta e 9 eurove u dizajnua që të ofrojë lehtësim për popullatën dhe që t’i bëjë ata që nga përdorimi i veturave të kalojnë tek përdorimi i transportit publik, ky një objektiv kyç i partisë së Gjelbërve, një nga tre partitë e koalicionit të qeverisë gjermane së udhëhequr nga social-demokratët.

Zyrtarët nga Berlini u premtuan 16 shteteve të tjera federale gjermane 2.5 miliardë euro për kompensimin e shpenzimeve shtesë të cilat lidhen me çmimet e biletave të transportit publik.

Bileta e cila është e vlefshme për të gjitha mjetet e transportit publik, por jo edhe për udhëtim të distancave të largëta me autobusët dhe trenat e transportit ndër-urban, ka pasur shitje të mëdha.

Sipas VDV, agjencisë e cila përfaqëson kompanitë rajonale të transportit gjerman, thuhet se deri tani janë shitur rreth 7 milionë bileta të tilla.

Nga agjencia VDV thonë se rreth 30 milionë njerëz do të blejnë biletat që kushtojnë 9 euro në secilin nga 3 muajt që kjo ofertë do të vlejë.

Disa grupe ekspertësh dhe konsumatorësh kanë shprehur frikë se çmimi i këtyre biletave do të çonte në mbi ngarkimin e autobusëve dhe trenave, veçanërisht në rrugët të cilat njihen për udhëtues ditorë, por deri më tani nuk shihet se ka prova për këtë.

“Trenat nuk ishin edhe aq shumë të ngarkuara, por që sot ishte një ditë normale e punës”, tha një zëdhënës i Deutche Bahn për agjencinë e lajmeve DPA. /Telegrafi/