Gjermania ka të ardhme të sigurt, U21 shpallen kampion të Evropës (Video)

Gjermania është kampione evropiane për grupmoshat deri në 21 vjet.

Gjermanët kanë triumfuar para shikuesve në stadiumin polak të Krakovës kundër Spanjës me rezultat minimal 1-0.

Megjithëse spanjollët e dominuan takimin me mbajtje të topit, kjo nuk i shërbeu pasi që “pancerat” kanë pasur më shumë raste për gola.

E një prej shumë mundësive, gjermanët e konkretizuan me gol pesë minuta para përfundimit të pjesës së parë, transmeton Telegrafi.

Mesfushori me tipare sulmuese Mitchell Weiser mori një pasim të saktë brenda zonës së rreptësisë Jeremy Toljan dhe kaloi gjermanët në epërsi.

Në pjesën e dytë spanjollët u munduan të gjenin rrugën e golit, por të besuarit Stefan Kuntz u treguan më sy çel dhe triumfuan.

Theksojmë se Saul Niguez (‘59) dhe Daniel Ceballos (‘72) patin rastet më të mira për “Furinë e Kuqe”, por nuk u treguan të saktë para portierit Pollersbeck.

Deri në fund të takimit më nuk pati raste që vlen të veçohet dhe kështu, Gjermania shpallet kampion për grupmoshat e reja deri në 21 vjet. /Telegrafi/

https://www.youtube.com/watch?v=9B-NFQ4AWko