Gjendet objekt misterioz në bregun e Atlantikut – lidhet me një program sekret të Luftës së Ftohtë

Objekti misterioz u gjet më 10 prill në brigjet e gadishullit Cape Cod (Massachusetts).

Jo vetëm që i ngjan trupit të një aeroplani të vogël, apo një rakete, por lidhet edhe me një program sekret që u organizua gjatë Luftës së Ftohtë, gjatë viteve 1940 dhe 1950.

Ekspertët nxituan për ta larguar objektin dhe historiani, Bill Burke i organizatës “Cape Cod National Seashore”, beson se është trupi i një RCAT (Remote Control Aerial Target).

“Këta ishin dron të përdorur për stërvitje kundërajrore në ish-kampin ushtarak Wellfleet”, tha ai.

Fluturaket RCAT u nisën nga një aeroplan, me një shpejtësi prej 100 km/h, dhe më pas kontrolloheshin nga distanca.

Ekuipazhet kundërajrore praktikuan të gjuanin mbi armët 40 mm, duke u përpjekur të rrëzonin RCAT-të. Kjo sugjeron se fundi i Atlantikut është ndoshta plot me mbetje të këtyre avionëve.

Programi u konsiderua “tepër sekret”, pasi Amerika ishte përfshirë në Luftën e Ftohtë, raporton Miami Herald.

“RCAT ishte prej metali, me një hapje krahësh prej tre metrash dhe një parashutë për ulje të detyruar. Lëviznin me shpejtësi deri në 360 km/h”, bëhet e ditur.

Ekspertët thonë se disa aeroplanë janë përdorur disa herë, ndërsa të tjerët janë rrëzuar gjatë fluturimit të parë (në rast të goditjes direkte të tankut).

Për momentin, nuk dihet se çfarë do të ndodhë me mbetjet e RCAT të gjetura në bregdetin e Cape Cod. /Telegrafi/