Gjatë 2025-ës Komuna e Kaçanikut planifikon t’i shpenzojë mbi 12.5 milionë euro për projekte kapitale dhe kategori të tjera

Kuvendi i Komunës së Kaçanikut, nëpërmjet një diskutimi publik ka propozuar buxhetin komunal për vitin fiskal 2025.

Kjo komunë gjatë vitit 2025 ka planifikuar t’i shpenzojë rreth 12 milionë e gjysmë duke përfshirë të gjitha kategoritë e shpenzimeve si paga,  mallra dhe shpenzime, projekte kapitale e të tjera. Përveç kësaj sipas zyrtarëve komunal buxheti për vitin 2025 do të shënon një rritje prej 5.30 për qind.

Në debate publike në këtë komunë sa herë që bëhej fjalë për planifikimet buxhetore, gjithmonë marrin pjesë përfaqësues të lagjeve nga zona urbane nga zona rurale, drejtor shkollash et. Ata edhe kësaj here kërkuan investime në asfaltim të rrugëve, hapjen e kopshteve të reja për fëmijë, investime në arsim, terrene të reja sportive, hapësira rekreative, zgjidhje të problemit me ujë të pijes e të tjera.

Por,ë drejtori për Buxhet dhe Financa në Komunën e Kaçanikut, Bahri Selimi, ka thënë se janë pranuar të gjitha kërkesat e qytetarëve për projekte të ndryshme kapitale të cilat janë shqyrtuar nga ekzekutivi komunal dhe në bazë të prioriteteve janë bërë pjesë e buxhetit komunal, duke shtuar se edhe këtë vit vazhdojnë të mos kemi përkrahje nga niveli qendror.

“Buxheti për vitin 2025 arrin shumën mbi 12 milion euro ( 12, 592, 239.00 euro), ku do të shënohet rritje e buxhetit për 5.30 %. Pra, do të ketë rritje edhe në kategorinë e subvencioneve, ku përfshihen rritja mjeteve financiare për bursa, transport të nxënësve etj”, ka thënë midis të tjerash Selimi.

Të pranishmit në debat përfaqësues të lagjeve nga zona urbane nga zona rurale, drejtor shkollash etj, kërkuan investime në asfaltim të rrugëve, hapjen e kopshteve të reja për fëmijë, investime në arsim, terrene të reja sportive, hapësira rekreative, zgjidhje të problemit me ujë të pijes etj.