Gjashtë arsye përse duhet shkurtuar flokët gjatë shtatzënisë

Gjatë shtatzënisë dhe pas lindjes shumica e femrave i shkurtojnë flokët. A u duket kjo më praktike apo ashtu vetëm kanë vendosur edhe për një ndryshim imazhit të tyre?

Gazetarja dhe blogeristja amerikane Michelle Stein i ka tre fëmijë. Në muajin e tretë të shtatzënisë së fundit ka vendosur t’i shkurtojë flokët dhe ka sqaruar përse e ka bërë këtë gjë.

Në fillim është hamendur, sepse nuk ishte e sigurt se a kanë ndikuar vetëm hormonet, apo pas shkurtimit të flokëve është ndier e sigurt që ka bërë gjënë e duhur.

I ka theksuar edhe arsyet përse tani është e kënaqur, transmeton Telegrafi.

1. Për shkak se bebja vjell shpesh, flokët tuaj vazhdimisht do t’ju jenë të ndotura

Bebja në fillim shpesh vjell, sistemi i saj tretës duhet të zhvillohet. Derisa mbetjet e qumështit bien në mobilie dhe në rroba nuk është edhe aq problem, mirëpo në flokë vërtet është e tmerrshme. Fëmija i tretë më së shumti villte. Edhe unë isha aq shumë falënderuese që nuk jam e detyruar të dal jashtë shtëpisë me njolla qumështi në flokët e mia. Flokët e shkurtra janë ideale!

2. Keni pak kohë për kujdesin e flokëve

Flokët e shkurtër më lehtë lahen, më shpejt thahen dhe më pak kohë nevojitet për rregullim. Flokët e shkurtër ju marrin më pak kohë, andaj mund t’i përkushtoheni edhe bebes.

3. Të kesh flokët si të nënës është nder

Me dy fëmijë arrija të mos i shkurtoja flokët. Mirëpo kur duhej të lindja fëmijën e tretë, vendosa vetë për një veprim të këtillë. Derisa kujdesem për tre fëmijët e mi, shumë më lehtë që i kam flokët të shkurtër.

4. Gishtat e vegjël të bebes nuk do të ngatërrohen në flokë të gjatë

Ky është fakt i pamohueshëm.

5. Vështirë mund të gjendet kohë për edhe ushqim, edhe tualet, e lëre më për të shkuar te floktari

Mendoni se pas lindjes së fëmijës mund të shkoni te floktari dhe të shkurtoni flokët? As të mos ju shkojë mendja. Nëse bebja juaj do të jetë sikur imja, do që vazhdimisht ta mbaj në krahë, vështirë se do të gjeni kohë për të dalë nga shtëpia, aq më tepër nëse e ushqeni beben me gji.

6. Ndryshimet hormonale pas lindjes

Thithësja ime e pluhurit dhe gypi i shkarkimit të ujërave në banjën time janë falënderues për shkak që i kam shkurtuar flokët. Shumë femrave flokët u bien më shumë pas lindjes. Në gjashtë muajt e parë pas lindjes së bebes, flokët bien më shumë, sepse atëherë bien edhe ato që nuk kanë rënë gjatë shtatzënisë. /Telegrafi/