Gerard Pique edhe një përballje kundër rivalit të përbetuar

Po ta pyesësh Gerard Piquen se cilat janë momentet më të mira me fanellën e Barcelonës, shumica e kujtimeve janë ndaj Real Madridit.

Mbrojtësi gjithmonë është në qendër të vëmendjes, sidomos në përballjet që zhvillohen në Camp Nou ku ka përkrahje të madhe, por edhe ndo Santiago Bernabeu, ku nuk mungon urrejtja ndaj tij.

Fitoret me rezultat 6-2, 5-0 dhe 5-1 janë kthyer në simbol masiv të Barcelonës, sidomos festat e Piques.

Në mungesë të Cristiano Ronaldos, tani Vinicius Jr mund të ofrojë shkëndija në zonat sulmuese, kur të përballet me Pique dhe Barcelonën për herë të parë të mërkurën.

Pique dhe portugezi kanë pasur raport të mirë pasi që të dy kanë luajtur për Manchester Unitedin së bashku, por në El Clasico nuk kanë munguar duelet e forta.

Clement Lenglet pritet të luajë me Piquen në qendër të mbrojtjes, ashtu siç bënë gjatë takimit të parë në La Liga.

Pas Sergio Busquets dhe Lionel Messi, Pique është një nga lojtarët më me përvojë te Blaugranat dhe me më shumë paraqitje në El Clasico.

Ai do të kërkojë të vazhdojë rekordin e tij mbresëlënëse kundër kundërshtarit të tij të preferuar në Copa del Rey./Telegrafi/