Georgievski inkurajon anëtarët e OBRM-PDUKM-së të vazhdojnë me reformat në parti

OBRM-Popullore e Ljupço Georgievskit fton anëtarët e OBRM-PDUKM-së të cilët thonë se i mbështesin idetë e OBRM-së historike, të mbeten pas ideve për reforma në parti ose në periudhën e ardhshme mbështetjen e tyre t’ia japin OBRM-Popullore, përcjell Telegrafi Maqedoni.

Nga partia e Georgievskit reagojnë ndaj linçimit që sipas tij, përmes mediave kryhet ndaj vëllazërisë së manastirit Pagëzor për shkak mbështetjes që këto murgj e kanë shprehur në Marrëveshjen për fqinjësi të mirë me Bullgarinë.

“Ditëve të fundit jemi dëshmitar për një fushatë të çmendur kundër igumenit Partenij dhe vëllazërisë së murgjve për shkak pozitës së tyre të shprehur në mënyrë të qartë në mbështetje të fqinjësisë së mirë Maqedonisë dhe Bullgarisë. Në këtë fushatë janë kyçur edhe portalet e regjimit të mëparshpëm si dhe “intelektualët”, historianët dhe “patriotët” e shqetësuar të cilët 11-të vite ishin në listën e të paguarve të regjimit të njëjtë që në mënyrë “patriotike” grabitën Maqedoninë”, thonë nga OBRM-Popullore.

Nga kjo parti shtojnë se u japin mbështetje të plotë arkimandrit Partenij dhe të gjithë murgjve në manastirin “Shën Gjon Pagëzorit”./Telegrafi/