Georgievski: Dikush duhet ta ndalë Xhambaskin, ai shkaktoi 75 për qind të problemeve mes Sofjes dhe Shkupit

Në marrëdhëniet maqedono-bullgare duhet t’i jepet një shans dialogut dhe argumenteve intelektuale dhe forcat e ekstremizmit nga të dyja palët të dënohen nga shoqëria, thotë ish-kryeministri Ljubço Georgievski në një intervistë për Radion bullgare “Fokus” të publikuar dy ditë më parë.

Georgievski bën thirrje për qetësimin e tensioneve dhe komenteve për zhvillimet e fundit në marrëdhëniet ndërmjet dy vendeve, ndërsa përkeqësimin e tyre më së shumti ia atribuon eurodeputetit bullgar Angel Xhambaskit.

“Pas propozimit francez, gjërat u qetësuan shumë nga të dyja palët. Megjithatë, 75 për qind e problemeve të krijuara pas propozimit francez, deri më tani, mendoj se janë bërë nga eurodeputeti Angel Xhambaski.

Për të dyja palët, provokimet flakërojnë nga të dyja palët dhe vazhdojnë njëri pas tjetrit. Forcat e ekstremizmit nga të dyja palët duhet të dënohen nga shoqëria”, tha Georgievski.

Për komentin e gazetarit se policët RMV-së kanë ngacmuar bullgarët në kufi, Georgievski thotë se kjo është vetëm një pjesë e vogël e problemit dhe i referohet nderimit të mëparshëm të Mara Bunevës në Shkup./Telegrafi/