Gecaj i përgjigjet Vuçiqit: Keni mbetur nën kthetrat e Millosheviqit

Zëvendësministri dhe këshilltari i kryeministrit të Kosovës i është drejtuar me një status në Facebook, kryeministrit të Serbisëduke i thënë ende ka mbetur me mentalitetin e ish-diktatorit serb, Sllobodan Millosheviq.

Reagimi i Gecajt vjen pas deklaratës së Vuçiqit se e ka paralajmëruar kryeministrin Mustafa, se ai (Vuçiqi) është i gatshëm të përfundojmë autostradën Prishtinë-Nish, “që do ngrit bashkëpunimin dhe lehtësojë qarkullimin e kapitalit, mallrave dhe banorëve. Dhe këtë e kishte bërë më parë Titoja”.

“Titoja ka qenë një diktator komunist, por ju z.Vuçiq e keni tejkaluar atë, pasi që ju ishit pjesë e regjimit të diktatorit dhe kasapit famëkeq të Ballkanit, në kthetrat dhe mentalitetin e të cilit duket se ende keni ngelur.
Çka bëhet me Kosovën dhe në Kosovë do të vendosë vetëm populli dhe lidershipi i saj. Ndërsa ju z. Vuçiq mund t’i adaptoheni rrethanave të reja, apo edhe mund të vazhdoni të jetoni në ëndrrat dhe mitet e së kaluarës”, ka shkruar Gecaj në Facebook. /Telegrafi/