Mbrojtësi japonez Maya Yoshida ka nënshkruar kontratë njëvjeçare me Schalke 04 dhe në profilin e tij në Twitter ka vlerësuar informacionet e dhëna nga gazetari sportiv Fabrizio Romano, duke thënë se as gruaja e tij nuk i ka ditur ofertat e mëparshme që ai ka refuzuar.
Yoshida mbërriti te Schalke nga Sampdoria si lojtar i lirë për shkak se i kishte skaduar kontrata me këtë klub nga Italia dhe pasi mbërriti në Gjermani ai iu nënshtrua ekzaminimeve mjekësore dhe nënshkroi kontratë njëvjeçare.
“Specialisti i transferimeve”, Fabrizio Romano, ishte i pari që njoftoi se Yoshida do të bëhet lojtar i ri i Shalkes dhe shtoi gjithashtu se japonezi refuzoi ofertën e Trabzonspor nga Turqia, gjë që e habiti veçanërisht Yoshidan.
This guy is incredible… even my wife didn’t know about Trabzonspor😱😱😱 奥さんにも言ってない事、知られてた。笑 @FabrizioRomano https://t.co/RqAvenNnfA
— MAYA YOSHIDA (@MayaYoshida3) July 5, 2022
“Ky njeri është një mrekulli! As gruaja ime nuk e dinte për Trabzonsporin”, ka shkruar Yoshida.
33-vjeçari në karrierën e tij të deritanishme ka luajtur për Nagoya Grampus, nga ku erdhi në Evropë në vitin 2010 dhe nënshkroi për Venlo.
Pas dy sezonesh në këtë klub, ai u bashkua me Southampton, ku luajti për tetë vjet, dhe më pas luajti për Sampdoria për dy vjet.
🇬🇧 Welcome to Schalke, @MayaYoshida3!
🇯🇵 シャルケへようこそ、吉田麻也!Maya Yoshida has signed a contract until 2023 with the Royal Blues! 🔵⚪#S04
— FC Schalke 04 (@s04_en) July 5, 2022
Ai bëri debutimin e tij për kombëtaren japoneze në vitin 2010. /Telegrafi/