Galaxy S23 Ultra për do të ketë cilësi më të mirë të fotografisë të kamerës telefoto

Ka qenë disi e qartë tani që Samsung Galaxy S23 Ultra do të mbajë kryesisht të njëjtat module të zmadhimit të kamerave si paraardhësi i tij – një periskop me zmadhim prej 3x dhe 10x.

Pra, ne prisnim më së shumti cilësi të ngjashme imazhi, por sipas parashikuesve të njohur si Ice universe, Galaxy S23 Ultra do të shkrep fotografi shumë më të mira telefoto, shkruan GSM Arena.

Duke përmendur përmirësime në ngjyra dhe “disa algoritme të AI”, ai beson se Samsung ka bërë përparime në cilësinë e fotografisë. Më herët ai bëri pretendime të ngjashme për kamerën e re 200MP të Galaxy S23 Ultra, transmeton Telegrafi.

Madhësia e sensorit dhe shpejtësia e leximit janë kontribues të mëdhenj në cilësinë e fotografisë, por fotografia llogaritëse është vendi ku janë bërë përfitimet më të mëdha vitet e fundit.

Përpos kamerës së re kryesore 200 MP, Galaxy S23 Ultra do të mbështetet në të njëjtat kamera, me zmadhim 3x dhe 10x, si Galaxy S22 Ultra, i cili në vetvete kishte kryesisht pajisje identike me Galaxy S21 Ultra.

Është një formulë fituese, një formulë që u jep përdoruesve nivele të shumta zmadhimi dhe mbulon fotografinë e gjerë dhe ultra të gjerë me sensorë të fokusimit automatik. /Telegrafi/