Fushë Kosovë, arrestohet një i mitur i dyshuar për kanosje dhe vjedhje

Njësitet policore të Stacionit Policor të Fushë Kosovës, kanë arrestuar sot një person të dyshuar për veprat “kanosje dhe vjedhje”.

Në njoftimin e Policisë thuhet se sot rreth 17:30, në rrugën “28 nëntori” në Fushë Kosovë, personi i dyshuar, duke ekspozuar një armë të ftohtë (thikë), ka kanosur viktimën (femër).
“Pas largimit të viktimës, i njëjti ka depërtuar përmes ballkonit në banesën e viktimës ka arrit të vjedhë dy telefona mobilë”, thuhet në njoftim, transmeton Telegrafi.

Më tej thuhet se njësitet e stacionit policor të Fushë Kosovës, me ndërmarrjen e veprimeve të shpejta operative kanë arrit që të identifikojnë dhe arrestojnë të dyshuarin Sh. Z . (15 vjeç), të cilit kanë arritur të gjejnë dhe sekuestrojnë një thikë dhe dy telefona, që dyshohet të jenë telefonat e vjedhur në rast.

Personi i dyshuar me rekomandimin e prokurorit të shtetit është ndaluar në mbajtje, përderisa hetuesit po kryejnë të gjitha veprimet e nevojshme hetimore e procedurale, para se rasti të procedohet më tej./Telegrafi/