Botë Nga Bota

Frikë nga arma bërthamore e Kim Jong-un gjatë Lojërave Olimpike në Korenë e Jugut!

Para 7 vitesh

Kim Jong-un përshëndeti me gëzim të enjten kur raketa e tij e fundit Hwasong-15 u paraqit përmes Phenianit, e rrethuar prej 13 mijë ushtarësh.

Ndërkohë fqinjët e tij në Jug po përgatiten për ceremoninë e hapjes së Olimpiadës Dimërore nesër në mëngjes kur bota do të shikojë.

Por, siç shkruan DailyStar, përcjell Telegrafi, pavarësisht se Veriu po pretendon se është në linjë të bashkëpunimit kur bëhet fjalë për “Lojërat Olimpike të Dimrit”, precedentët sugjerojnë se sonte mund të jetë nata kur Kim do të nisë një raketë tjetër.

Po sipas këtij mediumi, janë ekspertët ata që paralajmërojnë se Kim mund të rrëmbejë vëmendjen e festimit sportiv për të treguar fuqinë e kombit të tij dhe për të ushtruar presion ndaj SHBA-ve.

Dhe në këtë drejtim, ky medium zbulon dy raste të mëdha në historinë e Koresë së Veriut që sugjerojnë se raketa e parë e Kimit që nga 28 nëntori do të jetë sonte ose gjatë fundjavës.

Kjo pasi që, siç thuhet më tej, gjatë dy viteve të fundit, Koreja e Veriut ka gjuajtur një raketë në fundjavën e parë të shkurtit për të thyer heshtjen e dimrit të programit të saj të raketave.

Pas paradës së ushtrisë së Phenianit të vitit të kaluar – një jehonë e asaj që ndodhi sot – Kim nisi një raketë të paidentifikuar që shpërtheu pas fluturimit.

Në këtë drejtim, konsiderohet se me shtimin e tensionit të Lojërave Olimpike Dimërore, ka frikë se Pyongyang do të ndjekë precedentin dhe do të “fillojë lojërat” me një “bang” të fuqishëm të Koresë së Veriut.

Të shtunën, më 11 shkurt, Kim nisi raketën e tij të parë të vitit 2017, duke dërguar vendin e tij në prag të luftës bërthamore me SHBA-të.

Pukkuksong-2 ishte një raketë me rreze të mesme që u përplas mbi Detin e Japonisë, dhe ishte e para e këtij lloji për Korenë e Veriut.

Ndërkaq një vit më parë, më 7 shkurt 2016, Koreja e Veriut vuri në orbitë satelitët Kwangmyongsong-4, pak më shumë se një muaj pasi kishte testuar një bombë bërthamore.

Zyrtarët amerikanë dhe shefat e mbrojtjes nga Japonia dhe Koreja e Jugut akuzuan Veriun për përdorimin e një programi hapësinor si mbulim për të testuar një armë bërthamore.

Dhe sipas mediumit në fjalë, përcjell Telegrafi, më parë, gjenerali i ushtrisë amerikane Jack Keane paralajmëroi se Kim mund të provojë diçka të tillë edhe gjatë Lojërave Olimpike.

Veterani sugjeroi se Kim do të nisë një test tjetër raketash, por ai beson se diktatori po shijon “vullnetin e mirë” që po ndërton me Korenë e Jugut.

Ai tha se “sundimtari i rrumbullakët“ po përpiqet të anashkalojë SHBA-të duke u marrë drejtpërdrejtë me Seulin.

Diplomatët e Kim kanë bërë një rrugëtim për një jug, por SHBA-të po kërkojnë që të gjitha kontaktet të priten dhe “presioni maksimal” të aplikohet në Phenian, pas përfundimit të lojërave, më 25 shkurt.

Janë vetëm 22 atletë nga veriu, por ata, ndër tjerësh janë shoqëruar nga qindra interpretues, artistë dhe delegatë të nivelit të lartë. Gjithashtu, motra e Kim do të ketë edhe darkë me presidentin e Koresë së Jugut, Moon Jae-in, të shtunën.

Ndërkohë, supozohet se administrata e Donald Trump po peshon planet për një sulm kundër Kim, për të sfiduar atë nga kërkimi i tij për armët bërthamore. /Telegrafi/