Paris Saint-Germaini është nikoqir i Dijonit për ndeshjen çerekfinale të Kupës së Francës (Coupe de France).
Në të tetën e finales, PSG pati një kundërshtar të lehtë, FC Villefranche - skuadrën që bën gara në ligën e tretë franceze, mirëpo fitoi vetëm pas vazhdimeve (3-0).
Ndërsa me të njëjtin rezultat (3-0), Dijoni triumfoi kundër ekipit që garon në ligën e katërt të Francës, Iris Club de Croix.
Kampioni francez është favorit për ta kaluar edhe këtë fazë, por edhe për ta fituar Kupën e Francës duke e mbrojtur sërish titullin e fituar.
Trajnerët Thomas Tuchel dhe Antoine Kombouare i kanë gati skuadrat për këtë takim.
Formacioni startues i Paris Saint-Germainit: Buffon - Thiago Silva, Kehrer, Kimpembe - Meunier, Draxler, Verratti, Paredes, Di Maria, Bernat - Choupo-Moting.
/Telegrafi/
