Ford Bronco i porositur iu dëmtua gjatë transportit, pronarit do t’i jepet një tjetër i ri – por ai ka një kërkesë që vështirë se do t’i realizohet

Pronari i një Ford Bronco të vitit 2021 është shfaqur në një forum të njohur për të shprehur shqetësimin e tij për off-roaderin e tij të ri që u shkatërrua ndërsa po transportohej tek ai.

Përdoruesi i Bronco6G Godot75 thotë se ai e porositi Bronco-n e tij më 15 korrik 2020 dhe më 21 shtator 2021, mori një email nga shitësi i tij lokal, përcjell Telegrafi.

Ai mendoi se do ta informonte se makina ishte gati, por në vend të kësaj, ajo përmbante një imazh që tregonte se Bronco kishte pësuar dëmtime ndërsa transportohej te tregtari.

Fotografia e shpërndarë në forum tregon se xhami është plasaritur dhe korniza dhe çatia e xhamit janë dëmtuar rëndë.

Përdoruesi i forumit thotë se shitësi refuzoi të marrë në posedim Bronco të dëmtuar dhe menjëherë paraqiti një urdhër zëvendësimi.

Sidoqoftë, mund të duhen katër muaj që të arrijë një Bronco e re dhe klienti nuk dëshiron të presë kaq gjatë.

Kështu, Godot75 u bëri thirrje anëtarëve të tjerë të forumit të ndajnë postimin e tij, duke thënë se ai “meriton” të ketë një Bronco të ri në derën e tij brenda tre javësh.

Nja dy ditë pasi u bë postimi fillestar, Ford doli në forum, duke konfirmuar se do të donte të ndihmonte pronarin dhe që ata të shkëmbenin informacione përmes një mesazhi privat.

Mbetet e pasigurt nëse klienti i Bronco do të jetë në gjendje të ketë “përparësinë e porosisë” së zëvendësimit dhe ta ketë atë në afatin e kërkuar. /Telegrafi/