Flota amerikane bën historinë, “droni cisternë pa pilot” furnizon për herë të parë një aeroplan luftarak

Marina e SHBA-së ka bërë diçka historike javën e kaluar pasi një “cisternë pa pilot” furnizoi një aeroplan me pilot në qiell për herë të parë.

Sipas mediave të huaja, përcjell Telegrafi, një F/A-18 Super Hornet “u lidh” me aeroplanin MQ-25 Stingray në pronësi të Boeing në ajër dhe transferoi rreth 145 mijë litra karburant në aeroplanin luftarak, tha Marina të hënën.

Pamjet magjepsëse tregojnë momentin historik që bartja e karburantit u krye me sukses të premten gjatë fluturimit provë rreth 4.5 orë.

Super Hornet shihet duke u ngritur nga Aeroporti MidAmerica në Mascoutah, Illinois dhe duke iu afruar Stingray i cili ka një “portë” që del nga pjesa e pasme e tij.

Më pas të dy aeroplanët afrohen për më pak se 20 metra me njëri-tjetrin ndërsa aeroplani merr karburantin.

Marina tha se do të analizojë të dhënat e mbledhura nga fluturimi për të përcaktuar nëse duhet të bëhen ndonjë ndryshim duke shkuar përpara në softuer.

Përdorimi i “dronit pa pilot” për të furnizuar aeroplanët luftarakë vjen gjithashtu me përfitimin e lirimit të personelit të Marinës të ngarkuar ndryshe me karburantin e avionëve për operacione të tjera. /Telegrafi/