Fitore minimale për Bayernin, vazhdon kryesimin në Bundesliga

Bayern Munich ka marrë një fitore me vuajtje në udhëtim tek Eintracht Frankfurt 0-1.

Trajneri i Bayernit, Jupp Heynckes kishte vendosur ti pushoj yjet e skuadrës si David Alaba, Correntin Tolisso, Mats Hummels e Robert Lewandowski.

Megjithatë rastin e parë serioz në ndeshje e patën vendasit me anë të sulmuesit kroat Ante Rebic por që bavarezët shpëtuan lehtë.

Bavarezët u përgjigjën me Thomas Mullerin i cili tentoi të shënoj por pa sukses.

E golin e epërsisë kampioni në fuqi i Gjermanisë e arriti në minutën e 20-të, kur pas asistimit nga Joshua Kimmich, Arturo Vidal shënoi për 0-1.

Sulmuesi francez, Kingsley Coman provoi 10 minuta më vonë shënimin e golit të dytë por pa sukses.

Me epërsinë minimale të Bayernit përfunduan edhe 45 minutat e para të kësaj sfide.

Në pjesën e dytë, Bayerni administroi mjaftë mirë lojën, duke ruajtur rezultatin e krijuar pas minutës së 20-të.

Frankfurti tentoi në tri raste, një herë me Haller dhe dy të tjera me Rebic për ta barazuar rezultatin por pa sukses.

Kësisoj pas kësaj fitore Bayerni mbetet në pozitën e parë me 35 pikë të tubuara, gjashtë më shumë se Leipzigu në pozitën e dytë.

Ndërkohë në ndeshjen e radhës, kampionët aktual të Gjermanisë do të ndeshjen me Kolnin në ‘Allianz Arena’. /Telegrafi/

http://www.dailymotion.com/video/x6bdwpf