Kultura Cult+

Festivali i Venecias dhe të famshmit në edicionin e 75-të

Para 6 vitesh

Motoskafe, fotografi dhe buzëqeshje, të famshmit e Hollywood-it zbarkojnë në Lido të Venecias për të startuar festivalin e tyre. Vëmendje tërhoqi “E preferuara” Ema Stone dhe, natyrisht nuk mund të mos flitej për “Njeriun e parë”, Ryan Gosling

Mbrëmjen e së mërkurës startoi edicioni i 75-të i Ekspozitës së kinemasë në Venecia ( 29 gusht-8 shtator). Janë 21 filmat në garë, pas së cilëve fshihen regjisorë të një kalibri si Damien Chazelle, që është fitues i gjashtë çmimeve Oscar, apo të vëllezërve Cohen, me katër Oscar. Ky edicion u hap me prezantimin e filmit “First Man” të Chazelle, që ka në kast aktorët Ryan Gosling dhe Claire Foy. Përgjatë këtyre ditëve, “Lido di Venezia” do të jetë i mbushur me regjisorë, aktorë, kineastë dhe të apasionuar.

Në plan të parë të garës natyrisht është filmi me 21 tituj ndërkombëtarë, midis të cilëve tre italianë të përzgjedhur nga drejtori artistik Alberto Barbera: përveçse “First Man” nga hazelle që përmendëm më sipër, vëmendja është fokusuar në pjesëmarrjen për herë të parë të Ethan e Joel Coen me “The Ballad of Buster Scruggs” me aktorët James Franco dhe Liam Neeson. Si ata edhe francezi Jacques Audiard me “The Sister Broothers”, i shoqëruar nga Joaquin Phoenix, si dhe László Nemes me “Sunset”. Pritet edhe rikthimi i Alfonso CuaronIT, që do të prezantojë një fragment nga fëmijëria e tij meksikane me “Roma”, si dhe piktori-regjisor Julian Schnabel me filmin “At Eternity’s Gate”. Do të zbarkojnë sërish në Lido italianët Mario Martone dhe Luca Guadagnino, ky i fundit në garë me filmin horror “Suspiria”, të Dario Argentos.

Para së gjithash, do të jepet jashtë garës debutimi në regji nga Bradley Cooper, “A star is born”, nga klasiku i talentuar George Cuckor me Judy Garland, rrëfimi i ngjitjes artistike të një të reje të talentuar në muzikën kantri. Protagoniste: ylli i popit Lady Gaga. Gjithmonë jashtë konkursit janë dy puntatat e serisë televizive “Mikesha gjeniale”, që mbajnë firmën e Saverio Costanzos dhe të frymëzuara nga vepra letrare e Elena Ferrantes. Produksionet janë Rai, Wildside dhe HBO amerikane (ajo e “Game of Thrones). I prodhuar nga Netflix dhe në garë në seksionin “Orizzonti” është “Në lëkurën time”, një film kontrovers i Stefano Cucchi-t.

Pas Alessandro Borghit në vitin 2017, e prezanton ceremoninë e hapjes dhe të mbylljes së “Ekspozitës kinematografike të Venecias”, Michele Riondino, një aktor tepër i talentuar i kinemasë, televizionit dhe teatrit. Çmimin “Luani i artë” të këtij edicioni do ta vendos juria ndërkombëtare e udhëhequr nga regjisori Oskar 2018, Guillermo del Toro. Do të ketë si pjesë të saj edhe anëtarë si Paolo Genovese, Christoph Waltz , Naomi Watts, Trine Dyrholm , Nicole Garcia , Sylvia Chang, Malgorzata Szumowska e Taika Wititi. /Anila Dedal/Shekulli/